افغانستان سے پاکستان کی حدود میں داخل ہونے والی پروازوں کے لیے پیشگی اطلاع دینا لازمی

افغانستان سے پاکستان حدود میں آنے والی پروازوں کو ائیر ٹریفک کی عدم فراہمی کے متعلق پاکستان سول ایوی ایشن اتھارٹی نے نئی ہدایت جاری کردیں

سی اے اے کی جانب سے نوٹم کے مطابق پاکستانی فضائی حدود میں داخل ہونے والی فلائٹس کو 15 منٹ قبل آگاہی دینا لازم ہے،پیشگی اطلاع دینے پر پاکستان کی فضائی حدود میں داخل ہونے والی فلائٹس کو ایر ٹریفک سروس مہیا کی جائے گی۔

پاکستانی فضائی حدود میں آنے والی فلائٹس کراچی، لاہور اور اسلام آباد ایریا کنٹرول سے فضائی سروس مہیا کی جائے گی،یورپ، وسطی ایشیا سمیت  دیگر فلائٹس کو دوشنبہ اور اسلام آباد ایریا کنٹرول فضائی رابطے کے ذریعے ایر ٹریفک سروس مہیا کی جائے گی۔

افغانستان میں ائیر ٹریفک کی عدم دستیابی کے باعث فضائی سروس دینے کے لیے اسلام آباد اور دوشنبہ فلائٹ انفارمیشن ریجن فلائٹس کی رہنمائی کرے گا، جاری کردہ نوٹم نومبر 2023 تک قابل عمل رہے گا۔