پاکستان
سیاسی جماعتوں کے تصادم کے بعد حالات کشیدہ، کسی کے پاس ہتھیار دیکھا تو مؤثر ایکشن لیں گے، ڈی آئی جی ویسٹ کراچی
کراچی کے علاقے ناظم آباد میں گذشتہ روز فائرنگ سے ایم کیو ایم کے کارکن کے جاں بحق ہونے کے بعد صورتحال کشیدہ ہے،ڈی آئی جی ویسٹ عاصم قائم خانی نے جائے وقوعہ کا دورہ کیا اور صورتحال کا جائزہ لیا۔
میڈیا سے گفتگو کر تے ہوئے ڈی آئی جی ویسٹ کا کہنا ہے کہ جو بھی اس طرح کی سرگرمیوں میں ملوث ہوگا اسے کیفر کردار پہنچائیں گے،انوسٹیگیشن کے لحاظ سے کچھ بھی بات کرنا قبل از وقت ہوگا،الیکشن کے مراحل جاری ہے، سب سیاسی جماعتوں کو رواداری کا مظاہرہ کرنا چاہئے۔
ڈی آئی جی ویسٹ نے کہا کہ اس طرح کے واقعات سے دونوں طرف نقصان ہی ہوتا ہے فائدہ کوئی نہیں ہوتا،جو لیگل ایکشن بنتا ہے وہ ہوگا، پراسس جاری ہے،اسٹیٹ کی طرف سے تمام سیاسی جماعتوں کو متنبہ کرنا چاہتا ہوں،جو بھی اس طرح کی سرگرمیوں میں ملوث ہوگا اسے کیفر کردار پہنچائیں گے،کسی کو بھی رعایت نہیں دی جائے گی۔
ڈی آئی جی ویسٹ سے سوال کیا گیا کہ کیا پیپلز پارٹی رہنما ڈاکٹر عاصم کو مقدمے میں نامزد کریں گے؟
اس پر ڈی آئی جی عاصم قائم خانی نے کہا کہ ہم معاملے کی تفصیلی انکوائری کررہے ہیں، میرٹ پر مقدمہ درج کریں گے،یہ واقعہ رات گئے پیش آیا تھا، لوگوں کو کہتا ہوں کہ ویپن لےکر نہ چلیں،اگر کسی بھی ریلی یا جلسے میں اب ہتھیار دیکھا گیا تو مؤثر ایکشن لیں گے۔کسی بھی سیاسی جماعت کو اسلحے کی نمائش یا اسے لے کر چلنے کی اجازت نہیں،فائرنگ تو ہوئی ہے مگر کس طرف سے ہوئی ہے، ہر پہلو کا جائزہ لیں گے،اس پہلو کو بھی دیکھنے کی ضرورت ہے کہ کیا کسی ریلی کو دوسرے کے دفتر کے سامنے سے گزرنا چاہئیے تھا؟یہ نامناسب عمل ہے کہ کسی بھی سیاسی مخالف کے سامنے سے اپنی ریلی کو گذارا جائے،سیاسی جماعتوں کے رہنماؤں سے مطالبہ کروں گا کہ اس طرح کی صورتحال پیدا کرنے سے بچیں،کسی بھی سیاسی جماعت کا عسکری ونگ نہیں ہونا چاہیے،اگر کوئی دوبارہ اٹھنے کی کوشش کرے گا تو اسے ایکشن یاد ہونا چاہیے،سب اسٹیک ہولڈرز کی کاوشوں سے کراچی میں امن ممکن ہوا،سب سے گزارش کروں گا کہ اس طرح کی سرگرمیوں سے اجتناب کریں۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی