پاکستان میں انتخابات کے بعد تمام مسائل طے شدہ قانونی طریقے سے حل کئے جائیں، سربراہ اقوام متحدہ

اقوام متحدہ کے سیکریٹری جنرل  انتونیو گوتریس نے پاکستانی حکام سے پاکستان کی صورتحال پر تبادلہ خیال کیا اور زور دیا کہ انتخابات کے بعد کے تمام مسائل کو طے شدہ قانونی طریقہ کار کے ذریعے حل کریں۔

اقوام متحدہ کے سیکریٹری جنرل نے پاکستانی حکام سے پاکستان کی صورتحال پر تبادلہ خیال کیا،اقوام متحدہ کے سربراہ نے پاکستانیوں پر زور دیا کہ وہ انتخابات کے بعد کے تمام مسائل کو طے شدہ قانونی طریقہ کار کے ذریعے حل کریں۔

12 فروری کو اقوام متحدہ کے سیکرٹری جنرل انتونیو گوتریس نے پاکستانی حکام اور سیاسی رہنماؤں سے انتخابات کے بعد ہونے والے مسائل حل کرنے کا مطالبہ کیا۔

انتونیو گوتیرس نے کہا کہ کسی بھی ایسی کاروائی سے گریز کیا جائے جو کشیدگی کا باعث ہو۔ انہوں نے ملک میں امن و امان کی صورتحال کو قائم رکھنے پر زور دیا۔

انتونیو گوتریس کا کہنا تھا کہ وہ پاکستان کی صورتحال پر گہری نظر رکھے ہوئے ہیں اور تمام مسائل اور تنازعات کو طے شدہ قانونی طریقے کار کے ذریعے حل کرنے پر زور دیتے ہیں۔

سیکرٹری جنرل اقوام متحدہ کے ترجمان سٹیفن ڈوجارک کا کہنا ہے کہ انتخابات  کے بعد کی صورتحال میں انسانی حقوق اور قانون کی حکمرانی کے لیے پاکستانی عوام کے مفاد کا مکمل احترام کیا جائے۔پاکستانی حکام اور سیاسی رہنماؤں سے اپیل ہے کہ وہ پرسکون ماحول کو برقرار رکھیں اور ہر قسم کے تشدد کو مسترد کریں، اس سے اجتناب کریں اور کسی بھی ایسے اقدام سے گریز کریں جو کشیدگی کو بڑھا سکیں۔