احد چیمہ آمدن سے زائد اثاثہ جات کے ریفرنس میں بری

احتساب عدالت نے نگراں وزیر اعظم کے مشیر احد چیمہ کو آمدن سے زائد اثاثوں بنانے کے الزام میں دائر ریفرنس  سے بری کر دیا۔

احتساب عدالت کے جج علی ذوالقرنین اعوان نے احد چیمہ کی بریت کی درخواست پر فیصلہ سنایا۔عدالت نے نگراں وزیراعظم کے مشیر کی بریت کی درخواست منظور کر لی۔

اس سے پہلے گزشتہ سماعت پر عدالت نے بریت کی درخواست پر کارروائی مکمل ہونے پر فیصلہ محفوظ کیا تھا۔ نگراں وزیراعظم کے مشیر احتساب عدالت میں پیش ہوئے۔ احد چیمہ نے اپنے خلاف آمدن سے زائد اثاثے بنابے کے ریفرنس میں بریت کی درخواست دائر کی تھی۔

نیب نے گزشتہ سماعت پر اپنی رپورٹ میں بتایا کہ احد چیمہ کی بریت پر اسے کوئی اعتراض نہیں ہے۔

احد چیمہ کیخلاف سال 2018 میں نیب نے ریفرنس دائر کیا تھا جس میں الزام لگایا گیا کہ احد چیمہ کے اثاثے اُن ذرائع آمدن سے مطابقت نہیں رکھتے۔