یہود مخالف سوشل میڈیا پوسٹ پر فرانس میں الجزائز کے ٹاپ فٹبالر کے خلاف تحقیقات

فرانسیسی استغاثہ نے پیر کے روز ایک ٹاپ فٹبالر کے خلاف دہشت گردی کو بڑھاوا دینے کے شبے میں ابتدائی تفتیش شروع کی، فاتبالر نے اسرائیل اور حماس تنازعہ سے متعلق سوشل میڈیا پر مبینہ طور پر یہود مخالف پیغام دوبارہ پوسٹ کیا۔

الجزائر کے بین الاقوامی یوسف عطال جو  لیگ ون کلب کے لیے کھیلتے ہیں، پر شبہ ہے کہ اس نے انسٹاگرام پر فلسطینی مبلغ کی ایک ویڈیو شیئر کی ہے جس میں مبینہ طور پر یہودیوں کے خلاف تشد پر اکسایا گیا ہے۔

فٹ بال حکام، سیاست دانوں، ایک یہودی گروپ اور نیس کے میئر سبھی نے اس پیغام کی مذمت کی ہے، جسے عطال نے معافی مانگنے سے پہلے ڈیلیٹ کر دیا۔

فرانس، جس میں یہودیوں اور مسلمانوں کی بڑی آبادی ہے، حماس کی طرف سے 7 اکتوبر کو اسرائیل پر بڑے حملے کے بعد سیکورٹی بڑھا دی گئی۔

اور حکام نے ملک کو ممکنہ حملوں کے لیے ہائی الرٹ پر رکھا ہے جب جمعہ کے روز ایک سابق شاگرد کے ہاتھوں ایک استاد کو چاقو مار کر ہلاک کر دیا گیا تھا، جس میں سیاست دانوں نے کہا ہے کہ یہ اسلامی دہشت گردی ہے۔

نیس پراسیکیوٹر کے دفتر نے ایک بیان میں تصدیق کی کہ وہ مقامی سیاست دانوں کی طرف سے مطلع کیے جانے کے بعد عطال سے تفتیش کر رہا ہے۔

استغاثہ نے کہا کہ پولیس اس بات کا بھی جائزہ لے گی کہ آیا یہ پوسٹ مذہبی منافرت یا تشدد کو بھڑکانے کے مترادف ہے۔

فرانسیسی فٹ بال فیڈریشن (ایف ایف ایف) نے اتوار کو کہا کہ اس کی اخلاقیات کمیٹی کھلاڑی کی تحقیقات کرے گی، ایف ایف ایف کے صدر فلپ ڈیالو نے پوسٹ کے مندرجات کی مذمت کی۔

عطال نے اتوار کو تنقید کا جواب دیتے ہوئے اپنے انسٹاگرام فالوورز کو بتایا کہ وہ "کبھی نفرت کے پیغام کی حمایت نہیں کریں گے۔