امریکا نے الیکشن کو دھاندلی زدہ کہا ہے، حکومت مینڈیٹ واپس کرے، عمر ایوب

اپوزیشن لیڈر عمر ایوب نے کہا کہ اس بجٹ سے عوام مزید مشکلات کا شکار ہوں گے اور اب مہنگائی کا ایک سیلاب آئے گا. سنی تحریک کے رکن اسمبلی زین قریشی نے بھی حکومت تنقید کی اور کہا کہ فارم 47 کی حکومت غریب کی کمر توڑ دی ہے۔

انسداد دہشت گردی عدالت سے عبوری ضمانت میں توسیع کے بعد عمر ایوب نے میڈیا سے بات کی اور کہ شہباز شریف خود مانتے ہیں یہ آئی ایم ایف کا بجٹ ہے، پہلے جو گندم باہر سے منگوائی گئی اس میں بہت سوں نے کمیشن کمائی اور اب ایکسپورٹ میں مزید کمیشن کمائی جائے گی۔

اپوزیشن لیڈر نے کہا کہ امریکی ایوان نمائندگان نے انتخابات کو دھاندلی زدہ کہا ہے. حکومت عوام کا مینڈیٹ واپس کرے. وزیر اعلیٰ مریم نواز کی تقریر کے خلاف اپوزیشن نے احتجاج کیا جو جمہوری حق تھا

سابق وفاقی وزیر فواد چوہدری میڈیا سے بات چیت میں کہا کہ استحکام آپریشن شروع ہونے سے پہلے متنازعہ ہو گیا ہے. آپریشن پر ہر کوئی اپنی بات کر رہا ہے. سابق وفاقی وزیر نے سینیٹر حامد خان پر نکتہ چینی کی اور کہا کہ جب تک ان سے جان نہیں چھڑائی جاتی صحیح اپوزیشن کا کردار ادا نہیں ہو سکتا

سابق وزیر خارجہ کے بیٹے اور سنی اتحاد کونسل کے رکن اسمبلی زین قریشی نے افسوس کا اظہار کیا کہ ممبران کی مراعات میں اضافہ کر دیا گیا اور دوسری طرف دودھ پیتا بچہ چھوڑا نہ کوئی فیلڈ ہر جگہ پر ٹیکس. انہوں نے کہا کہ
وزیراعظم نے کہا کہ مفاہمت کرنا چاہتے ہیں لیکن مسلم لیگ نون کے قول اور فعل میں فرق ہے۔