جہلم میں منشیات سمگلرز کے ساتھ فائرنگ کے تبادلے میں اے این ایف کا اہلکار زخمی، 2 ملزم گرفتار

اینٹی نارکوٹکس فورس کا اسمگلروں کے ساتھ فائرنگ کا تبادلہ اہلکار گولی لگنے سے زخمی ہوگیا،کارروائی کے دوران 343کلوگرام سے زائد منشیات برآمد کرلی گی۔

ترجمان اے این ایف کے مطابق منشیات کے سوداگروں کی جانب سے تخریبی کاروائیاں جاری ہیں، انٹیلیجنس اطلاع پر دینہ چیک پوسٹ پر سوزوکی مہران گاڑی کو روکنے کی کوشش کی گئی۔

ملزمان نے گاڑی روکنے کی بجائے فرار ہونے کی کوشش کی، اے این ایف ٹیم نے پیچھا کرتے ہوئے گاڑی کو ڈومیلی چوک جہلم کے قریب رُکنے پرمجبورکیا۔

ملزمان نے فرار ہونے کی کوشش میں اے این ایف اہلکاروں پر فائرنگ شروع کردی،فائرنگ کے تبادلے میں ایک اے این ایف اہلکار ٹانگ میں گولی لگنے سے زخمی ہوگیا، زخمی اہلکار کو فوری طور پر علاج کی غرض سے ہسپتال منتقل کیا گیا، جہاں پر اہلکار کی حالت خطرے سے باہر بتائی جاتی ہے۔

دوران کارروائی ایک زخمی ملزم سمیت 2 ملزمان کوگرفتارکرلیاگیا جبکہ فائرنگ کے نتیجے میں ایک زخمی ملزم کو ساتھی سمیت گرفتارکرلیاگیا۔

ملزمان کا ایک اور ساتھی قریب جنگل میں فرار ہوا جسکی تلاش جاری ہے،تلاشی لینے  پر گاڑی سے 277 کلو 200 گرام چرس اور 67 کلو 200 گرام افیون برآمد ہوئی، ملزمان کے خلاف انسدادِ منشیات ایکٹ کے تحت مقدمہ درج کرلیاگیا،مزید تفتیش جاری ہے۔