ایک اور سٹار کا جنم، پاکستان میچ ہار گیا لیکن زمان خان نے دل جیت لیے

میچ ہار  کر ہم نے ایک نئے سٹار کو جنم دے دیا؟ زمان خان کے آخری اوور نے سوشل میڈیا صارفین کے دل جیت لئے

گزشتہ روز ہونے والے پاک سری لنکا (ایشیاء کپ سپر فور مرحلے ) کے اہم ترین میچ میں سری لنکا نے پاکستان کو 2 وکٹوں سے شکست دے کر ایشیا کپ کے فائنل کا ٹکٹ کٹوا لیا۔

زمان خان(لاسٹ اوور سپیشلسٹ):

گزشتہ روز آخری اوور میں زمان خان جب گیند بازی کرنے آئے تو سری لنکن ٹیم کو آخری اوور میں 8 رنز درکار تھے،زمان خان ڈیتھ اوورز سپیشلسٹ سمجھے جاتے ہیں اور وہ پی ایس ایل میں متعدد بارآخری اوور میں شاندار باؤلنگ کر کے  اپنی ٹیم لاہور قلندر کو فتح دلا چکے ہیں،لیکن گزشتہ روز وہ کامیاب تو نہیں ہوئے لیکن تاریخ رقم کرتے کرتے رہ گئے۔

سوشل میڈیا صارفین کا ردعمل:

سوشل میڈیا صارفین نے زمان خان کو میچ کا ہیرو قرار دیا ہے، سوشل میڈیا پر زمان خان گزشتہ شب سے ٹرینڈنگ پر ہیں ،کسی بھی باؤلر کے لیے آخری اوور میں 8 رنز روکنا بہت مشکل ہوتا ہے،زمان خان کی عمدہ باؤلنگ میچ کو آخری گیند تک لے گئی، حالانکہ ڈیبیو میچ میں آخری اوور کروانا اور 8 رنز کا دفاع کرنا کسی امتحان سے کم نہیں تھا۔

زمان کی عمدہ پرفامنس پر فینز کے ساتھ ساتھ مختلف سپورٹس چینلز اور انٹرنیشنل کرکٹرز کی طرف سے بھی انکی شاندار پرفامنس کو سراہا جا رہا ہے، کرکٹ ویب سائٹ کرک ٹریکر نے مائیکرو بلاگنگ ویب سائٹ ایکس پر اپنے پیغام میں لکھا کہ زمان خان نے ہمارے دل جیت لئے۔

Zaman Khan, you’ve won our hearts ❤️

📸: Disney + Hotstar pic.twitter.com/ed6USnvURd

— CricTracker (@Cricketracker) September 14, 2023

ایک صارف نے لکھا کہ حارث اور نسیم کی غیر موجودگی میں زمان خان نے عمدہ باؤلنگ کی ،اپنے ڈیبیو میچ میں 35 ہزار لوگوں کے سامنے زبردست پرفامنس دی ہے۔

In the absence of Naseem and Haris, he tried his best but what an effort especially, when you are playing your first game, in front of 35k people. Brilliant from Zaman khan ❤️❤️ pic.twitter.com/7ETGN4KE8j

— Hassan (@HassanAbbasian) September 14, 2023

ایک صارف کے مطابق  اتنی عمدہ پرفامنس کے بعد بھی زمان خان کو مایوس دیکھنا میرے لئے سب سے مشکل مرحلہ ہے۔

Most painful moments of the Day to see Zaman Khan in this situation #PAKvSL | #PAKvsSL | #SLvsPak pic.twitter.com/8qxWsROXFU

— Adv. Mian Omer🇵🇰 (@Iam_Mian) September 14, 2023

مائیکرو بلاگنگ ویب سائٹ ایکس پر پیغام میں ایک صارف کا کہنا تھا کہ پاکستان میچ تو ہار گیا لیکن ایک سٹار کا جنم ہو گیا۔

A match lost. A star born. 🌟
Did a great job, Zaman Khan !
What a match 🫶#PAKvsSL #SLvPAK #AsiaCup2023 pic.twitter.com/MUvcvB5Us9

— Maham Gillani (@dheetafridian__) September 14, 2023

زمان خان کی ورلڈ کپ اسکواڈ میں شمولیت؟

ڈیبیو میچ میں شاندار پرفامنس دینے والے زمان خان  کو ورلڈ کپ اسکواڈمیں شامل کیا جائے گا یا نہیں ؟ سلیکشن کمیٹی کیلئے یہ فیصلہ بھی کسی امتحان میں کم نہیں ہے، کیونکہ پاکستانی پیس فیکٹری پہلے سے انجریز کا شکار ہے اورڈیتھ اوورز سپیشلسٹ  زمان خان مستقبل میں  قومی ٹیم کیلئے میچ ونز بھی ثابت ہو سکتے ہیں۔