پولنگ ڈے پر سکیورٹی کے لیے سول آرمڈ فورسز تعینات کرنے کی منظوری

نگراں وفاقی کابینہ نے عام انتخابات کے لیے سول آرمڈ فورسز کے دستوں کی تعیناتی کی منظوری دے دی۔

نگراں وزیراعظم انوار الحق کاکڑ کی زیر صدارت وفاقی کابینہ کا اجلاس ہوا، جس میں ملک کی موجودہ، معاشی اور انتخابی صورت حال سے متعلق امور پر غور کیا گیا۔

اجلاس میں وفاقی کابینہ نے الیکشن کے دوران سول آرمڈ فورسز کی تعیناتی کی منظوری دی گئی اور فیصلہ کیا گیا کہ حساس علاقوں میں کوئیک رسپانس فورس کے طور پر فرائض سرانجام دیں گے۔

علاوہ ازیں اجلاس میں نگراں وفاقی کابینہ نے ایف بی آر ریفارمز کمیٹی بنانے کی منظوری دے دی، ایف بی آر ریفارمز کمیٹی کی سربراہی وزیر خزانہ شمشاد اختر کریں گی، ممبران میں وزیر آئی ٹی، وزیر تجارت، وزیر قانون، وزیر خارجہ اور وزیر پرائیویٹائزیشن کمیٹی کے رکن ہوں گے۔