آرمی چیف نظر رکھیں، کور کمانڈر ہاؤس میں خیبرپختونخوا کابینہ کا اجلاس کیسے ہوا، اے این پی

کورکمانڈر ہاؤس میں خیبر پختونخوا کابینہ کے مبینہ اجلاس پرترجمان اے این پی زاہد خان نے کہاہے کہ تحریک انصاف کے کور کمانڈر ہاؤس میں کابینہ اجلاس کی خبریں انتہائی تشویشناک ہیں پختونخوا کابینہ اجلاس کے متعلق وضاحت دیں۔

جمعرات کو جاری ایک بیان میں ترجمان نے مزید کہا کہ آرمی چیف نظر رکھیں کہ کور کمانڈر ہاؤس میں اجلاس کیسے ہوا، تاریخ میں کبھی ایسے نہیں ہوا کہ کابینہ کا اجلاس کسی کور کمانڈر ہاؤس میں ہو۔

ترجمان اے این پی نے کہا کہ کور کمانڈر ہاؤس میں کابینہ اجلاس کی تحریک انصاف نے کوئی تردید جاری نہیں کی۔ تحریک انصاف کابینہ اجلاس پر فوری وضاحت دے۔

دوسری جانب ذرائع کا کہنا ہے کہ یہ بات واضح نہیں کہ خیبرپختونخوا کابینہ کا اجلاس کور کمانڈر ہائوس پشاور میں ہوا تھا یا صوبائی وزیراعلیٰ علی امین گنڈا پور سمیت کابینہ کو کورکمانڈر ہائوس میں افطار پارٹی کیلئے وہاں مدعو کیا گیا تھا۔