فاسٹ بالرز کو کھیلتے ہوئے آسٹریلوی بلے بازوں کے لیے نیک پروٹیکٹرز پہننا لازمی ہو گا،کرکٹ آسٹریلیا

آسٹریلوی کرکٹرز کو 2023/24 ڈومیسٹک اور انٹرنیشنل سیزن کے لیے پلیئنگ کنڈیشنز میں تبدیلی کے ایک حصے کے طور پر اکتوبر سے تیز یا درمیانی رفتار کی باؤلنگ کا سامنا کرتے وقت ہیلمٹ پر’ نیک پروٹیکٹر‘  پہننا ہوگا۔

گورننگ باڈی کرکٹ آسٹریلیا نے 2014 میں فلپ ہیوز کی موت کے بعد سے نیک پروٹیکٹرز کے استعمال کی سفارش کی تھی لیکن ڈیوڈ وارنر اور اسٹیو اسمتھ سمیت کئی ٹاپ بلے بازوں نے نیک پروٹیکٹرز پہننے کی مخالفت کی۔

انہیں اب انہیں یکم اکتوبر سے ڈومیسٹک پر یا بین الاقوامی کرکٹ میں کھیلتے وقت پہننا ہو گا یا سی اے کے متعارف کرائے جانے والے قوانین کے تحت پابندیوں کا سامنا کرنا پڑے گا۔

سی اے کے ہیڈ آف کرکٹ آپریشنز اینڈ شیڈولنگ پیٹر روچ نے ایک بیان میں کہا، ہمارے کھیل میں سر اور گردن کی حفاظت انتہائی اہم ہے۔ نیک پروٹیکٹرز پروڈکٹ نے حالیہ برسوں میں ایک طویل سفر طے کیا ہے اور انہیں لازمی قرار دینے کا فیصلہ ماہرین اور اسٹیک ہولڈرز کی ایک وسیع رینج کے ساتھ  مشاورت کے بعد سامنے آیا ہے۔

یہ پابندی آسٹریلیا کے آل راؤنڈر کیمرون گرین کے زخمی ہونے ایک ہفتہ کے بعد سامنے آئی ہے جب کاگیسو ربادا کے ہیلمٹ پر لگنے والے گردن کے گارڈ پر باؤنسر لگنے سے زخمی ہوئے تھے اور انہیں جنوبی افریقہ کے خلاف پہلے ون ڈے سے باہر کر دیا گیا تھا۔

یہ پلیئنگ کنڈیشنز میں تبدیلیوں میں سے ایک تھی، جس میں بگ بیش لیگ کے میچوں کے دوران میلبورن کے ڈاک لینڈز اسٹیڈیم کی چھت سے ٹکرانے والے بلے بازوں کو دیے گئے خودکار چھ رنز کو ختم کرنا شامل ہے۔