عائشہ جہانزیب کے شوہر کے جسمانی ریمانڈ میں توسیع

نجی ٹی وی کی اینکر عائشہ جہانزیب کے گرفتار شوہر حارث علی کے جسمانی ریمانڈ میں ایک دن کی توسیع کردی گئی۔

لاہور کی جوڈیشل مجسٹریٹ نے پولیس کی درخواست پر کیس کی سماعت کی، 2 روزہ جسمانی ریمانڈ مکمل ہونے کے بعد پولیس نے ملزم کو عدالت میں پیش کیا۔

پولیس کی جانب سے عدالت میں استدعا کی گئی کہ ملزم حارث سے مزید تفتیش درکار ہے، مزید ریمانڈ دیا جائے۔

عدالت نے آئندہ سماعت پر پولیس سے تفتیش کی رپورٹ طلب کرلی۔

واضح رہے کہ دو روز قبل نجی ٹی وی کی اینکر عائشہ جہانزیب کو ان کے شوہر نے مبینہ تشدد کا نشانہ بنایا تھا۔

خاتون اینکر کا کہنا تھا کہ اس کا اپنے شوہر حارث سے جھگڑا ہو گیا تھا جس پر اس نے تشدد کا نشانہ بنایا۔

عائشہ نے طبی معائنے کے بعد شوہر حارث کے خلاف جان سے مار دینے کی دفعات کے تحت مقدمہ درج کروایا تھا، جس کے بعد پولیس نے ان کے شوہر کو گرفتار کرکے عدالت میں پیش کرکے دو روزہ ریمانڈ حاصل کرلیا تھا۔