سندھ پولیس کی باہمت کانسٹیبل عائشہ ناز، جس نے معذوری کو کمزوری نہیں بننے دیا

سندھ پولیس نے اپنی معذور کانسٹیبل کو خراج تحسین پیش کیا ہے، کانسٹیبل عائشہ ناز نے اپنی معذوری کو کمزوری نہیں بننے دیا۔

ترجمان سندھ پولیس کے مطابق عائشہ نے بطور کانسٹیبل 2018 میں پولیس فورس جوائن کی، جون 2020 میں ایک ٹریفک ایکسیڈنٹ کے دوران ان کی دونوں ٹانگیں ضائع ہوگئیں، ایک سال زخم بھرنے میں لگ گیا جس نے بعد عائشہ نے نئے سرے سے زندگی شروع کرتے ہوئے اپنی تعلیم مکمل کی۔

2023 میں عائشہ یورپ میں ہونے والی انڈیپینڈنٹ لیونگ سے متعلق ٹریننگ کے لیے پاکستان سے منتخب ہوئیں، تربیت مکمل کرنے کے بعد وہ دوبارہ سندھ پولیس میں کسی حادثے کے نتیجے میں معذور ہونے والے جوانوں کی ذہنی اور نفسیاتی تربیت کا کام کررہی ہیں۔