بینظیر اور مرتضیٰ بھٹو قتل کی بھی تحقیقات ہونی چاہئیں، اعجاز الحق

مسلم لیگ ضیا کے سربراہ اعجاز الحق بھٹو کے صدراتی ریفرنس کے خلاف کھل کر سامنے آ گئے، ان کا کہنا ہے کہ بے نظیربھٹو اور مرتضیٰ بھٹو قتل کیس کی تحقیقات بھی ہونی چاہیے،جنرل ضیاء الحق کا بھٹو کی سزا سے کوئی تعلق نہیں۔

لاہور میں مرکزی مسلم لیگ نے قومی یکجہتی اتحاد میں شامل ہونے کا اعلان کیا اس موقع پرمرکزی مسلم لیگ کے صدر خالد مسعود سندھو  کے ہمراہ پریس کانفرنس کرتے ہوئے اعجاز الحق نے کہا کہ بھٹو کو پھانسی کا فیصلہ عدلیہ نے کیا، میرے والد کا اس سے کوئی تعلق نہیں

اعجاز الحق نے کہا کہ بانی چیئرمین تحریک انصاف کے آرٹیکل کو حکومت نے مشہور کیا، آزاد امیدواروں اور چھوٹی جماعتوں کو ایک پلیٹ فارم کا اکٹھا کررہے ہیں۔

اعجاز الحق نے کہا کہ نو مئی کے واقعات باسٹھ مقامات پر فوجی تنصیبات کو نشانہ بنانے والے عناصر کے خلاف ضرور کارروائی ہونی چاہیے۔

مسلم لیگ ضیاء کے سربراہ نے کہا کہ انتخابات میں تمام جماعتوں حصہ لینے کا حق ملنا چاہیے، صاف اور شفاف انتخابات ہونے چاہئیں،  آٹھ فروری کو ہی انتخابات ہوں گے۔