چائلڈ لیبر پر بوائے سکاؤٹس اور آئی ایل او کی دو روزہ تربیتی ورکشاپ

نیشنل کمشنر پاکستان بوائے اسکائوٹس  ایسوسی ایشن سرفراز قمر ڈاہا کی ہدایت پر انٹرنیشنل لیبر آرگنائزیشن (آئی ایل او) کے تعاون سے چائلڈ لیبر کے حوالے سے دو روزہ ٹریننگ قائداعظم ہال، گورنمنٹ کالج یونیورسٹی میں منعقد ہوئی۔

اختتامی تقریب کے مہمان خصوصی وائس چانسلر جی سی یو ڈاکٹر سید اصغر زیدی، ڈائریکٹر ٹریننگ ایڈلٹ (adult) لیاقت علی اعوان، ٹرینر آئی ایل او منور سلطانہ، سیدہ تمنا بنوری، فیصل، ڈی ایس او راحت علی جعفری، صدارتی ایوارڈ یافتہ اسکائوٹ لیڈر مقصود احمد چغتائی، معروف ناول نگار صبا ممتاز، عمر سردار، ابو بکر، انیقہ ظفر، مس مصباح علی، امین عیدی، محمد یامین، محمد جمیل، آصف وسیم پنجاب کے دور دراز علاقوں کے اسکائوٹس اور گرل اسکائوٹس کی کثیر تعداد نے شرکت کی۔

مقررین نے چائلڈ لیبر کو معاشرے میں ناسور قرار دیتے ہوئے کہا کہ غربت، جہالت، تعلیمی فقدان، کم علمی، کم عقلی اور دیگر کئی عوامل کی وجہ سے بچے گھروں، فیکٹریوں، ورکشاپ میں مزدوری کرنے پر مجبور ہیں۔ ہمیں چائلڈ لیبر کو روکنے اور بچوں کی مناسب تعلیم و تربیت دینے کا شعور دینا چاہیے۔

حکومت پاکستان کی طرف سے چائلڈ پروٹیکشن بیرو اور دیگر کئی ادارے بچوں کو مناسب رہائش، کھانا اور تعلیمی و تربیت، وظائف اور قرضہ جات دے رہے ہیں۔ ہیلپ لائن 1121پر رابطہ قائم کیا جاسکتا ہے۔ اس موقع پر مصنف مقصود چغتائی اورراحت  جعفری نے اپنی کتب’’بینکنگ گائیڈ‘‘ اور ’’رہنمائے اسکائوٹس‘‘ مہمانوں کو پیش کی جبکہ کمپیئرنگ کے فرائض محمد یامین نے پرجوش انداز میں سرانجام دیے۔ آخر میں مہمانوں اور شرکاء میں شیلڈز اور سرٹفکیٹس تقسیم کیے گئے