برکس میں توسیع: مغرب کے دوست اور مخالف مل کر کیا کرنا چاہتے ہیں؟

ترقی پذیر ممالک کے بلاک برکس نے جمعرات کو سعودی عرب، ایران، ایتھوپیا، مصر، ارجنٹائن اور متحدہ عرب امارات کو بلاک میں شامل کرنے پر اتفاق کیا ہے جس کا مقصد عالمی نظام ، جو اس بلاک کے خیال میں فرسودہ ہوچکا، میں ردوبدل کے لیے دباؤ کو تیز کرنا ہے۔

13 سال کے دوران پہلی بار اس بلاک کو وسعت دیتے ہوئے مزید ملکوں کی شمولیت کی راہ بھی کھلی رکھی گئی ہے، درجنوں مزید ممالک نے اس گروپ میں شامل ہونے میں دلچسپی ظاہر کی ہے۔

اس توسیع سےبلاک کے اقتصادی حجم میں بھی اضافہ ہوا ہے، جس کے موجودہ ارکان میں چین دنیا کی دوسری سب سے بڑی معیشت کے علاوہ برازیل، روس، بھارت اور جنوبی افریقہ شامل ہیں۔ اس وسعت کے بعد برکس گلوبل ساؤتھ کا چیمپئن ہونے کے عزائم کو بھی تقویت دے سکتا ہے۔

لیکن اس گروپ میں مغرب کے مقابل گروپ بننے پر دیرینہ تناؤ بھی برقرار رہ سکتا ہے، چین، روس اور ایران مغرب مخالف ہیں جبکہ بھارت سمیت کچھ مغرب کے ساتھ تعلقات بڑھا رہے ہیں۔

"یہ رکنیت میں توسیع تاریخی ہے،” چین کے صدر شی جن پنگ، جو کہ بلاک کے سب سے زیادہ مضبوط حامی ہیں، نے کہا۔ "یہ وسیع تر ترقی پذیر ممالک کے ساتھ اتحاد اور تعاون کے لیے برکس ممالک کے عزم کو ظاہر کرتا ہے۔”

برکس اصل میں ایک مخفف ہے، جو گولڈمین شاکس کے چیف اکنامسٹ جم او نیل نے 2001 میں تیار کیا تھا، اس بلاک کی بنیاد 2009 میں ایک غیر رسمی چار ملکی کلب کے طور پر رکھی گئی تھی اور ایک سال بعد اس کی سابقہ توسیع میں جنوبی افریقہ کو شامل کیا گیا تھا۔

جنوبی افریقہ کے صدر سیرل رامافوسا نے جوہانسبرگ میں تین روزہ سربراہی اجلاس کے دوران ممالک کے نام بتاتے ہوئے کہا کہ چھ نئے امیدوار باضابطہ طور پر یکم جنوری 2024 کو رکن بنیں گے۔

رامافوسا نے کہا، برکس نے ایک ایسی دنیا کی تعمیر کے لیے اپنی کوششوں میں ایک نئے باب کا آغاز کیا ہے جو منصفانہ ہو، ایک ایسی دنیا جو منصفانہ ہو، ایک ایسی دنیا جو جامع اور خوشحال بھی ہو،ہم اس توسیعی عمل کے پہلے مرحلے پر اتفاق رائے رکھتے ہیں اور اس کے بعد دیگر مراحل ہوں گے۔

 رکنیت کس بنیاد پر دی گئی؟

شامل ہونے کے لیے مدعو کیے گئے ممالک برکس ممبران کی کلب میں اتحادیوں کو شامل کرنے کی خواہشات کی عکاسی کرتے ہیں۔

برازیل کے صدر لوئیز اناسیو لولا دا سلوا نے پڑوسی ملک ارجنٹائن کی شمولیت کے لیے آواز اٹھائی تھی جب کہ مصر کے روس اور بھارت کے ساتھ قریبی تجارتی تعلقات ہیں۔

تیل طاقتوں سعودی عرب اور متحدہ عرب امارات کا داخلہ امریکا کے مدار سے دور ہونے اور اپنے طور پر عالمی ہیوی ویٹ بننے کے عزائم کو نمایاں کرتا ہے۔

روس اور ایران امریکی پابندیوں اور سفارتی تنہائی کے خلاف مشترکہ جدوجہد میں اتحادی ہیں، ماسکو کے یوکرین پر حملے کے بعد ان کے اقتصادی تعلقات مزید گہرے ہوئے ہیں۔

،” روس کے ولادیمیر پوتن نے، جو مبینہ جنگی جرائم کے بین الاقوامی وارنٹ کی وجہ سے  سربراہی اجلاس میں ورچوئل شرکت کر رہے ہیں، جمعرات کو کہا کہ برکس کسی سے مقابلہ نہیں کر رہا ہے ۔لیکن یہ بھی واضح ہے کہ ایک نئے ورلڈ آرڈر کے ابھرنے کے اس عمل کے اب بھی شدید مخالفین ہیں۔

ایران کے صدر ابراہیم رئیسی نے اپنے ملک کے برکس شمولیت کےدعوت نامے کو واشنگٹن میں ایک طنز کے ساتھ منایا، ایرانی ٹیلی ویژن نیٹ ورک العالم پر کہا کہ توسیع "یہ ظاہر کرتی ہے کہ یکطرفہ نقطہ نظر زوال کے راستے پر ہے”۔

بیجنگ ایتھوپیا کے قریب ہے اور اس ملک کی شمولیت عالمی معاملات میں افریقہ کی آواز کو بڑھانے کی جنوبی افریقہ کی خواہش کو بھی ظاہر کرتی ہے۔

بلند عزائم، بہت کم نتائج

اقوام متحدہ کے سکریٹری جنرل انتونیو گوٹیرس نے جمعرات کو توسیع کے اعلان میں شرکت کی، جو بلاک کے بڑھتے ہوئے اثر و رسوخ کی عکاسی کرتا ہے۔ انہوں نے اقوام متحدہ کی سلامتی کونسل، بین الاقوامی مالیاتی فنڈ اور عالمی بینک کی اصلاحات کے لیے برکس کے دیرینہ مطالبات کو دہرایا۔

انہوں نے کہا کہ "آج کے عالمی حکمرانی کے ڈھانچے کل کی دنیا کی عکاسی کرتے ہیں۔” "کثیر جہتی اداروں کو حقیقی معنوں میں آفاقی رہنے کے لیے، انہیں آج کی طاقت اور معاشی حقائق کی عکاسی کرنے کے لیے اصلاح کرنی چاہیے۔”

برکس ممالک میں ایسی معیشتیں ہیں جن کی سوچ اور انداز حکمرانی بہت مختلف ہیں جن کی خارجہ پالیسی کے اہداف اکثر مختلف ہوتے ہیں، جو بلاک کے متفقہ فیصلہ سازی کے ماڈل کے لیے ایک پیچیدہ عنصر ہے۔

مثال کے طور پر، اس کے رکن ممالک کی ڈالر سے چھٹکارا کی باقاعدگی سے دہرائی جانے والی خواہش کبھی پوری نہیں ہوئی۔ اور اس گروپ کی سب سے بڑی کامیابی نیو ڈیولپمنٹ بینک کے قیام پر اتفاق تھا لیکن یہ کامیابی اب بانی شیئر ہولڈر روس کے خلاف پابندیوں کا سامنا کر رہی ہے۔

یہاں تک کہ جب اس ہفتے برکس کے رہنماؤں نے گروپ میں توسیع پر بحث کی – ایک ایسا اقدام جس میں سے ہر ایک نے عوامی طور پر حمایت کی – تقسیم تیزی سے سامنے آئی۔

داخلے کے معیار اور کن ممالک کو شامل ہونے کے لیے مدعو کیا جائے اس پر آخری لمحات کی بحث بدھ کی شام تک جاری رہی۔

بلاک ہیوی ویٹ چین طویل عرصے برکس کی توسیع کا مطالبہ کر رہا ہے کیونکہ وہ مغربی تسلط کو چیلنج کرنا چاہتا ہے، یہ حکمت عملی روس کی مشترکہ ہے۔

برکس کے دیگر ارکان کثیر قطبی عالمی نظم کی تشکیل کو فروغ دینے کی حمایت کرتے ہیں لیکن برازیل اور ہندوستان دونوں مغرب کے ساتھ بھی قریبی تعلقات استوار کر رہے ہیں۔

برازیل کے لولا نے اس خیال کو مسترد کر دیا ہے کہ بلاک کو امریکہ اور سات دولت مند معیشتوں کے گروپ کا مقابلہ کرنا چاہیے۔ تاہم، جمعرات کو جنوبی افریقہ سے روانہ ہوتے ہوئے، انھوں نے کہا کہ انھیں ایران کو لانے میں کوئی تضاد نظر نہیں آیا – جو واشنگٹن کا تاریخی دشمن ہے – اگر یہ ترقی پذیر دنیا کے مقصد کو آگے بڑھاتا ہے۔

"ہم ایران اور دیگر ممالک کی جغرافیائی سیاسی اہمیت سے انکار نہیں کر سکتے جو برکس میں شامل ہوں گے۔… اہم بات یہ ہے کہ حکومت کرنے والے شخص کی نہیں بلکہ ملک کی اہمیت ہے۔”