پاک فوج سے اظہار یکجہتی کے لیے بیلجیئم میں کار ریلی

بیلجیئم میں پاکستان سے محبت اور افواجِ پاکستان سے یکجہتی کا اظہار کار ریلی کی صورت میں کیا گیا، کار ریلی کے لیے بیلجیئم کے مشہور سیاحتی مقام آٹومیم اسکوئیر کا انتخاب کیا گیا۔

کار ریلی کا انعقاد ای یو پاک بیلجیئم اور ہم ہیں پاکستان آرگنائزیشن بیلجیئم کے مشترکہ تعاون سے کیا گیا، بیلجیئم میں مقیم پاکستانی کمیونٹی رہنماؤں اور دیگر سیاسی و سماجی جماعتوں کی اہم شخصیات نے بھی کار ریلی کی قیادت اور بھرپور شرکت کی۔

اس موقع پر  پاک فوج زندہ باد، پاکستان زندہ باد کے فلک شگاف نعرے لگائے گئے،کار ریلی میں ملی نغموں کی دھنوں پر شرکاء نے جھنڈے لہرا کر پاکستان اور افواج پاکستان سے یکجہتی کا اظہار کیا۔

اس موقع پر کمیونٹی رہنماؤں نے خطاب کرتے ہوئے پاکستان اور افواجِ پاکستان سے والہانہ محبت کا اظہار کیا۔

کیمیونٹی رہنماؤں کا کہنا تھا کہ سیاست کی آڑ میں ریاست کو نقصان پہنچانا انتہائی افسوس ناک عمل ہے

کمیونٹی رہنماؤں نے کہا کہ سیکورٹی فورسز ملکی سلامتی اور بقا کی ضمانت ہیں،پاکستان کی عوام اپنے اداروں کے شانہ بشانہ کھڑی ہے، پاکستانی عوام ملکی سلامتی کے  اداروں کو  متنازعہ بنانے کی ہر کوشش کو ناکام بنا دے گی