چیئرمین پی سی بی نے سکول، کالج اور یونیورسٹی کی سطح پر ٹورنامنٹس کے انعقاد کی ہدایت کردی

چئیرمین پاکستان کرکٹ بورڈ محسن  نقوی نے کرکٹ کو نچلی سطح پر فروغ دینے کیلئے قابل عمل پلان طلب کرلیا۔

چئیرمین پی سی بی محسن نقوی نے ڈائریکٹر ڈومیسٹک کرکٹ کو ٹاسک دے دیا۔

محسن نقوی نے کہا کہ پاکستان بھر میں سکولز ۔ کالجز اور یونیورسٹیز کے مابین ٹورنامنٹ کے انعقاد کا پلان بنایا جائے، خواتین کو بھی کرکٹ کے یکساں مواقع فراہم کئے جائیں گے۔

محسن نقوی نے کہا کہ سکول، کالج اور یونیورسٹی کی سطح پر ٹیلنٹ کی تلاش کےلئے جامع حکمت عملی ترتیب دی جائے۔

چیئرمین پی سی بی نے ہدایت کی کہ پاکستان بھر میں سکولز ۔ کالجز اور یونیورسٹیز کے مابین ٹورنامنٹ کے انعقاد کا پلان بنایا جائے،کرکٹ کے ٹیلنٹ کو سامنے لانے کے لیے نچلی سطح پر ٹورنامنٹ کا انعقاد ضروری ہے۔

چئیرمین پی سی  بی محسن نقوی نے ابھرتے ہوئے نئے پلیئرز کی پروفائلنگ کی ہدایت کی اور کہا کہ ملک بھر میں  کالجز اور یونیورسٹیز لیول پر خواتین کے ٹورنامنٹ بھی کرائے جائیں۔

محسن نقوی نے کہا کہ پاکستان میں کرکٹ کا بے پناہ ٹیلنٹ موجود ہے،اس ٹیلنٹ کو سامنے بھی لانا ہے اور نکھارنا بھی ہے۔