چوہدری شجاعت اور بیٹوں کی اڈیالہ جیل میں پرویز الٰہی سے طویل ملاقات

چوہدری شجاعت حسین اور ان کے بیٹوں نے اڈیالہ جیل میں چوہدری پرویز الٰہی سے ملاقات کی۔ ملاقات میں چوہدری شجاعت حسین کے علاوہ چوہدری وجاہت، چوہدری سالک، منتہا اشرف شامل تھے۔

ذرائع کا کہنا ہے کہ ملاقات میں ملک کی سیاسی مجموعی صورتحال اور خاندانی معاملات پر بھی بات چیت کی گئی۔ چوہدری خاندان کے ممبران اڈیالہ جیل سے واپسی پر میڈیا ٹاک کئے بغیر واپس روانہ ہوگئے۔

چوہدری شجاعت مسلم لیگ ق کے سربارہ اور پرویز الٰہی پی ٹی آئی کے صدر ہیں اس لیے یہ ملاقات ذاتی حوالوں کے علاوہ سیاسی اعتبار سے بھی اہم تھی، چوہدری فیملی جب ملاقات کے لیے اڈیالہ جیل پہہنچی تو شیرافضل مروت اور دیگر پی ٹی آئی رہنما عرمران خان سے ملاقات کے بعد جیل کے گیٹ سے باہر نکل رہے تھے۔

ذرائع کا کہنا ہے کہ چوہدری شجاعت حسین اور پرویز الٰہی کے درمیان 2 گھنٹے 40 منٹ ملاقات جاری رہی۔ ملاقات میں پرویز الٰہی کی صحت اور جیل میں فراہم کردہ سہولیات پر بھی بات چیت ہوئی۔

ذرائع کے مطابق پرویز الہی اور چوہدری شجاعت حسین کی۔ملاقات اڈیالہ جیل کے کانفرنس روم میں کروائی گئی۔