ٹی 20 ورلڈ کپ جیت کو آئیں، ہر کھلاڑی کو ایک لاکھ ڈالر انعام ملے گا، محسن نقوی

چئیرمین پاکستان کرکٹ بورڈ محسن نقوی قومی کھلاڑیوں کی حوصلہ افزائی کے لئے قذافی سٹیڈیم پہنچ گئے،چئیرمین پی سی بی محسن نقوی نے کھلاڑیوں اور آفیشلز سےملاقات کی۔

چئیرمین پی سی بی محسن نقوی 2 گھنٹے تک کھلاڑیوں کے ساتھ رہے ۔چئیرمین پاکستان کرکٹ بورڈ محسن نقوی نے کھلاڑیوں کے ساتھ کھیل کی حکمت عملی پر تفصیلی بات چیت کی ۔

محسن نقوی نے ٹی ٹوئنٹی ورلڈ کپ جیتنے پر ہر کھلاڑی کو ایک لاکھ ڈالر انعام دینے کا اعلان بھی کیا۔ محسن نقوی  نے کہا پاکستان کی جیت کے سامنے اس انعام کی کوئی حیثیت نہیں۔ امید ہے کہ آپ اس بار پاکستانی سبز ہلالی پرچم بلند کریں گے۔ کسی دباؤ کے بغیر کھیلیں، بھرپور مقابلہ کریںم  میدان میں مقابلہ ہوتا نظر آنا چاہیے۔ جیت آپ کے لئے اور ہار میرے لیے ہو گی۔

چئیرمین پاکستان کرکٹ بورڈ محسن نقوی قومی کھلاڑیوں کی حوصلہ افزائی کے لئے قذافی سٹیڈیم پہنچ گئے

چئیرمین پی سی بی محسن نقوی کی کھلاڑیوں اور آفیشلز سےملاقات

چئیرمین پی سی بی محسن نقوی 2 گھنٹے تک کھلاڑیوں کے ساتھ رہے ۔ کھلاڑیوں اور آفیشلز سے گفتگو کی

چئیرمین پاکستان کرکٹ بورڈ… pic.twitter.com/2fCBfJh3vA

— PCB Media (@TheRealPCBMedia) May 5, 2024

محسن نقوی نے کہا کہ کسی کی پرواہ نہ کریں۔ صرف پاکستان کے لئے کھیلیں، میدان میں ٹیم ورک کا مظاہرہ کریں، انشاللہ فتح قدم چومے گی،تمام کھلاڑی متحد  اور اکٹھے ہیں۔

محسن نقوی نے کہا کہ شاہین شاہ آفریدی ورلڈ کپ میں بھرپور پرفارمنس دیں گے۔ قوم کو آپ سے بہت سی توقعات ہیں۔ آپ نے پورا اترنا ہے۔

چئیرمین پی سی بی محسن نقوی نے محمد رضوان کو ٹی ٹوئنٹی میچوں میں 3000 رنز مکمل کرنے پر خصوصی گرین شرٹ دی اور نسیم شاہ کو ٹی ٹوئنٹی میچوں میں 100 وکٹیں لینے پر خصوصی گرین شرٹ دی۔

چئیرمین پاکستان کرکٹ بورڈ محسن نقوی نے کھلاڑیوں کے مسائل ترجیحی بنیادوں پر حل کرنے کی یقین دہانی کرائی۔

سلیکٹرز وہاب ریاض،محمد یوسف، کپتان بابر اعظم، اسسٹنٹ کوچ اظہر محمود اور انٹرنیشنل کرکٹ کے ڈائریکٹر عثمان واہلہ بھی اس موقع پرموجود تھے۔چئیرمین پی سی بی نے کھلاڑیوں اور آفیشلز کے اعزاز میں مقامی ریسٹورنٹ میں  ظہرانہ بھی دیا۔