کراچی، پشاور، کوہاٹ اور نوشہرہ کے سیمپلز میں پولیو وائرس کی تصدیق

ملک کے چھ اضلاع سے ماحولیاتی نمونوں میں پولیو وائرس کی تصدیق ہوئی ہے،کراچی سے چار نمونوں،چمن سے دو،پشاور کوہاٹ اور نوشہرہ سے ایک ایک سیمپل میں پولیو وائرس پایا گیا۔

 وزیر صحت ڈاکٹر ندیم جان کا کہنا ہے کہ وائرس افغانستان میں وائی بی تھری اے وائرس کلسٹر سے تعلق رکھتا ہے،وائرس کی موجودگی سے ہر بچے کو خطرہ ہے، خاص طور پر پانچ سال سے کم عمر کے بچوں کو  یہ وائرس عمر بھر کیلے  معذوربنا سکتا ھے۔

ڈاکٹر ندیم جان کا کہنا ہے کہ پولیو کا کوئی علاج نہیں ہے، صرف ویکسین ہی بچوں کو تحفظ فراہم کرتی ہے،والدین سے اپیل ھے  اپنے گھر آنے والے پولیو ورکرز کا خیر مقدم کریں،اپنے بچوں کو زندگی بھر کی معزوری سے بچانے کیلے پولیو کے قطرے ضرور پلائیں۔

ڈاکٹر ندیم جان نے کہا کہ  پاکستان میں پولیو سرویلنس کا نظام موثر انداز میں کام کر رہا ہے، جس کا ثبوت وائرس کی موجودگی کی فوری تصدیق سے ملتا ہے، حکومت پولیو کے خاتمے کیلیے مربوط بنیادوں پر اقدامات کو یقینی بنارہی ہے۔