مخصوص نشستوں پر عدالتی فیصلہ، وزیراعظم آج پیپلز پارٹی سے مشاورت کریں گے

تحریک انصاف کو مخصوص نشستیں دینے کے عدالتی فیصلے پر وزیر اعظم نے اتحادی جماعتوں سے مشاورت کا آغاز کردیا،ن لیگ اور پیپلزپارٹی کے درمیان مذاکرات آج ایوان صدر میں ہوں گے۔

ذرائع کے مطابق صدر آصف علی زرداری بھی مذاکرات میں شریک ہوں گے، جبکہ اٹارنی جنرل کیس سے متعلق صدر زرداری اور ارکان کو بریف کریں گے۔

پاکستان مسلم لیگ ن کے رہنما آج پیپلزپارٹی کی قیادت سے ملاقات کریں گے،پاکستان مسلم لیگ ن کی جانب سے اسحاق ڈار، اعظم نذیر تارڑ، عطاءاللہ تارڑ، عرفان قادر ، احمد چیمہ اور سردار ایاز صادق مذاکرات میں شریک ہوں گے۔

پیپلزپارٹی کی جانب سے فاروق ایچ نائیک، شیری رحمان، نئیر بخاری مذاکرات میں شریک ہوں گے،ذرائع کا کہنا ہے کہ مسلم لیگ ن کے رہنما پیپلزپارٹی کو پی ٹی آئی پر پابندی اور تین رہنماؤں پر آرٹیکل 6 لگانے کے فیصلے پر اعتماد میں لیں گے