کسٹمز انٹیلی جنس نے شارجہ سے کراچی سمگل کئے گئے 13 کروڑ روپے کے آئی فون تحویل میں لے لیے، 4 مسافر گرفتار

کسٹمز انٹیلیجنس نے کراچی ائیرپورٹ پربیرون ملک سے لائے گئے 13کروڑروپے مالیت کے آئی فون تحویل میں لے لیے۔

ذرائع کے مطابق کسٹمز انٹیلیجنس نے خفیہ اطلاع پر کراچی ایئرپورٹ ٹرمینل پر کارروائی کی،جس کے دوران بین الاقوامی آمد میں مبینہ طورپرچیکنگ سے کلئیر کیے گئے13کروڑ روپے مالیت کے آئی فون قبضے میں لیے۔

کارروائی کے دوران 4مسافروں کو گرفتارکرلیاگیا،چاروں ملزمان 168آئی فونز کے ہمراہ شارجہ سے کراچی پہنچے تھے۔

ذرائع کے مطابق مسافر ایئرپورٹ کسٹمز کی مبینہ  کلیئرنس کے بعد بین الاقوامی آمد لاونج سے ایئرپورٹ کے باہر نکل آئے تھے،ترجمان کسٹمز کے مطابق مسافروں کو گرفتارکرکے ملوث دیگرافراد کی نشاندہی کے لیے تحقیقات جاری ہیں۔