ٹاپ سٹوریز
سمندری طوفان، پاکستان اور بھارت میں ایک لاکھ 80 ہزار افراد بے گھر، جانی نقصان نہیں ہوا
![](https://urduchronicle.com/wp-content/uploads/2023/06/biperjoy-landfall-karachi-2-1.jpg)
سمندری طوفان بپر جوئے بھارتی ریاست گجرات کے ساحلوں سے جمعرات اور جمعہ کی درمیانی رات کو ٹکرایا، بھارتی ریاست گجرات کے ساحل پاکستان کے سمندری حدود سے قریب ہیں، سمندری طوفان ٹکرانے کے بعد علاقے میں تیز ہوائیں چلنا شروع ہو گئیں جس سے درخت جڑوں سے اکھڑ گئے اور بجلی کے کھمبے بھی اکھڑ گئے۔
سمندری طوفان نے جس وقت گجرات میں لینڈ فال کیا، تب وہ شدید طوفان کے برابر تھا،65 میل فی گھنٹہ کی رفتار سے ہوا چل رہی تھی، بتدریج طوفان اور ہوا کی شدت کم ہوتی جا رہی ہے،ساحلی علاقوں کی آبادیاں پانی سے بھر گئیں۔بھارت کے شمال مغربی علاقوں میں طوفان کی وجہ سے اگلے 48 گھنٹے تک بارشیں جاری رہ سکتی ہیں، علاقے میں 150 ملی میٹر سے 250 ملی میٹر تک بارشیں متوقع ہیں لیکن کچھ مقامات پر بارش 500 ملی میٹر تک بھی ہو سکتی ہے۔
پاکستان میں محکمہ موسمیات نے سندھ میں تیز آندھی اور گرج چمک کے ساتھ بارش کی پیشگوئی کی ہے،80 سے 100 کلومیٹر فی گھنٹہ کی رفتار سے ہوائیں چلیں گی اور کچھ مقامات پر شدید بارش ہوگی۔
بھارتی ٹی وی چینلز پر سمندری طوفان سے متاثرہ علاقوں کی فوٹیجز میں سڑکیں دریا بنی نظر آئیں، درخت ہوا سے اکھڑے اور جھکے دکھائی دیئے، لوگ کمر تک پانی میں ڈوبے نظر آئے۔
پاکستان اور بھارت میں ابھی تک اموات رپورٹ نہیں ہوئیں، اس سے پہلے بھارتی گجرات میں چار لڑکے سمدر میں ڈوب گئے تھے اور بارش میں چھتیں گرنے کے واقعات میں تین افراد ہلاک ہوئے تھے،دونوں ملکوں میں فوج اور بحریہ ریلیف سرگرمیوں میں مصروف ہے اور کسی حادثے کی صورت میں مدد کے لیے ہائی الرٹ ہے۔
سمندری طوفان سے پہلے پاکستان اور بھارت نے عوام کو محفوظ مقام پر منتقل کرنے کے اقدامات کئے تھے اور ایک لاکھ 80 ہزار افراد کو محفوظ مقامات پر پہنچایا گیا تھا۔
جانوروں کو بھی محفوظ مقام پر منتقل کیا گیا، سکول بند کر دئیے گئے، ماہی گیری پر پابندی لگائی گئی، بندرگاہوں پر ۤپریشنز روکے گئے۔
کراچی میں ساحلی علاقوں پر شاپنگ مالز بند کرا دئیے گئے تھےم پی ۤئی اے نے بھی حفاظتی تدابیر اختیار کیں اور چوبیس گھنٹے سکیورٹی الرٹ رکھی گئی۔
پاکستان نے ماہی گیروں کو سمندروں سے واپس بلا لیا تھا اور ہسپتالوں میں بھی ہائی الرٹ کر دیا گیا تھا،
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
ٹاپ سٹوریز1 سال ago
ابن خلدون، عمرانیات سمیت کئی علوم کا بانی، اصلی ’فادر آف اکنامکس‘