سمندری طوفان، پاک فوج کا ریسکیو آپریشن، کئی افراد کو محفوظ مقام پر منتقل کیا

پاکستان آرمی طوفان بائپرجوئے سے متاثرہ افراد کی منتقلی میں مسلسل کوشاں،دیہی سندھ کے ضلع ڈیپلو اور شکور ڈھنڈ، کھارو چھان میں سمندری طغیانی اورگردوغبارکے طوفان میں پھنسے افرادکو ریسکیوکیا۔

پاک آرمی کے جوانوں نے ریسکیوآپریشن کے دوران گاؤں موسیٰ تحصیل کھارو چھان جبکہ تحصیل ڈیپلواورشکور ڈھنڈ میں کامیاب ریسکیو آپریشنز کے دوران پھنسے ہوئے افراد کو نکالا،پاک فوج نے گاؤں میں پھنسے لوگوں کو گاڑیوں اور بسوں کے ذریعے محفوظ مقام پر منتقل کیا، محصورماہی گیر خاندانوں میں مرد و خواتین ، کم عمر بچے اور بزرگ شامل تھے،جو بری طرح سے ممکنہ سائیکلون کی پر خطر طوفانی ہواؤں اور پانی کی زد میں آ چکے تھے،پاک آرمی کے جوان افسران کی سربراہی میں دلیر دستے اپنی جانوں پر کھیل کرمتاثرہ افراد تک پہنچنے، ایک مشکل مگر کامیاب حکمت عملی کے تحت بلآ خر تمام ماہی گیروں کو محفوظ مقامات پر منتقل کر دیا گیا ہے،محفوظ مقام پر بروقت منتقلی پر گاؤں کے لوگوں نے پاک فوج کو خراج تحسین پیش کیا،علاقہ مکینوں کے مطابق بروقت ہمیں اس مصیبت سے نکالنے کیلئے ہم پاک فوج کے تہہ دل سے شکر گزار ہیں۔