قومی اسمبلی میں مخصوص نشست کے لیے ایم کیو ایم کی درخواست پر فیصلہ محفوظ

الیکشن کمیشن نے ایم کیو ایم کی مخصوص نشست کے لیے درخواست پر فیصلہ محفوظ کر لیا،ممبران کمیشن  کا کہنا  ہے کہ  دلائل ہوچکے ہیں مزید دلائل کی ضرورت نہیں ہے۔

ایم کیو ایم کی قومی اسمبلی کی مخصوص نشست کے لیے درخواست پر ممبر الیکشن کمیشن نثار درانی کی سربراہی میں تین رکنی بنچ نے سماعت کی۔

ایم کیو ایم اور موہن منجیانی کے وکلاء کمیشن کے سامنے پیش ہوئے، ممبران الیکشن کمیشن نے کہا کہ دلائل ہوچکے ہیں مزید دلائل کی ضرورت نہیں ہے،فیصلہ محفوظ ہوگیا تھا لیکن دو رکنی بنچ کا آپس میں اختلاف تھا۔۔

ممبران کمیشن نے کہا کہ دوبارہ فیصلے کیلئے تیسرے ممبر کو بنچ میں شامل کیا گیا ہے۔

الیکشن کمیشن نے ایم کیو ایم کی مخصوص نشست پر فیصلہ محفوظ کرلیا۔