الیکشن مینجمنٹ سسٹم میں نقائص سامنے آ گئے، 2018 کی تاریخ نہ دہرائی جائے، رضا ربانی

سابق چیئرمین سینیٹ میاں رضا ربانی نے ایک  بیان میں کہا  ہے کہ انتخابات سے قبل الیکشن مینجمنٹ سسٹم میں نقائص سامنے آنا شروع ہو گئے ہیں،قمبر شہداد کوٹ، لاڑکانہ کے آر اوز نے ای ایم ایس میں نقائص رپورٹ کئے ہیں،یہ ای ایم ایس کی ناکامی ہے یا کہیں سے کنٹرول کیا جا رہا تھا۔

سابق چیئرمین سینیٹ میاں رضا ربانی نے کہا کہ الیکشن کمیشن ای ایم ایس کے ذریعے نتائج جمع اور مرتب کرے گا،این اے 197 کے آر او نے ای ایم ایس میں نقص کی نشاندہی کی تھی،این اے 197 کے آر او نے پولنگ عملے کا ڈیٹا ای ایم ایس پر اپ لوڈ کیا تھا،این اے 197 کے آر او  کو ای ایم ایس پر اپ لوڈ کردہ ڈیٹا نہیں ملا تھا،یہ ای ایم ایس کی ناکامی ہے یا کہیں سے کنٹرول کیا جا رہا تھا؟

رضا ربانی نے کہا کہ موجودہ مشاہدات ای ایم ایس کی ساکھ پر سنجیدہ سوالات اٹھا رہے ہیں،آئندہ الیکشن میں دو ہزار آٹھ کی تاریخ نہیں دہرائی جانی چاہیئے،فیڈریشن مزید سیاسی عدم استحکام کی متحمل نہیں ہو سکتی۔