پنجاب حکومت کی وی آئی پی فلائٹ کے لیے مزید3 کروڑ 50 لاکھ کی ڈیمانڈ

پنجاب حکومت کی وی آئی پی فلائٹ کا قومی خزانے پر مزید بوجھ پڑ گیا۔ایڈیشنل چیف سیکرٹری پنجاب نے 3 کروڑ 50 لاکھ روپے متعلقہ اکاؤنٹ میں منتقل کرنے کی درخواست کی۔وی آئی پی فلائٹ کی مد میں ٹیکسز کیلئے ایک کروڑ 18 لاکھ،ایئر ٹرانسپورٹ کی مد میں 94 لاکھ 52 ہزار روپے مانگے گئے۔۔

وی آئی پی فلائٹ کی انشورنس کیلئے 39 لاکھ 48 ہزار، ملازمین کی مالی امداد کیلئے 18 لاکھ 33 ہزار روپے مانگے گئے ہیں،اے سی ایس نے یونیفارم کیلئے 7 لاکھ 59 ہزار،کنٹریکٹ ملازمین کیلئے 3 لاکھ 34 ہزار اور ٹرانسپورٹیشن کیلئے 7 لاکھ 16 ہزار مانگے ہیں۔

سٹیشنری کی مد میں 5 لاکھ 31 ہزار ،میڈیکل چارجز کی مد میں 3 لاکھ 24 ہزار روپے جاری کرنے کی درخواست کی گئی ہے۔

سٹینڈنگ کمیٹی آن فنانس اینڈ ڈویلپمنٹ کی منظوری کے بعد سمری نگران وزیر اعلیٰ پنجاب کو ارسال کی گئی۔