وفاقی وزیر کے بیٹوں کی فیسیں معاف کرنے پر اختلاف، ایچیسن کالج لاہور کے پرنسپل مستعفی

ایچیسن کالج لاہور کے پرنسپل مائیکل اے تھامسن نے گورنر پنجاب سے اختلافات کی بنا پر عہدے سے استعفیٰ دے دیا۔

ذرائع کے مطابق ایچیسن کالج کے پرنسپل مائیکل اے تھامسن نے عملے کے نام خط لکھا ہے۔اس خط میں پرنسپل کا کہنا ہے کہ اسکولوں میں اقربا پروری اورسیاست کی کوئی گنجائش نہیں، انتہائی بری گورننس کی وجہ سے میرے پاس کوئی اور چوائس نہیں ہے۔

پرنسپل ایچیسن کالج نے الزام عائد کرتے ہوئے کہا کہ چندافراد کی خاطر پالیسیوں میں تباہ کن تبدیلیاں لائی گئیں، گورنرہاؤس کے جانبدارانہ اقدامات کے باعث گورننس کا نظام تباہ ہوگیا۔

ساتھ ہی ایچیسن کالج کے پرنسپل نے مستعفیٰ ہونے کا اعلان کرتے ہوئے کہا کہ یکم اپریل کواسکول چھوڑ رہا ہوں اورداخلوں کاحصہ نہیں بنوں گا۔

واضح رہے گورنرپنجاب سے وفاقی وزیر کے بچوں کے جرمانے معافی سے اختلافات شروع ہوئے تھے۔

نوٹیفیکیشن کے مطابق وفاقی وزیر کے بیٹےعیسی احد چیمہ اورمصطفی احدچیمہ کی فیس معاف کی گئی تھیں۔