خیبر پختونخوا کے نوجوانوں کو لیپ ٹاپ چاہئے یا پٹرول بم؟ مریم نواز

مسلم لیگ ن کی چیف آرگنائزر مریم نواز نے سوال کیا کہ خیبرپختونخوا کے نوجوانو، آپ کو لیپ ٹاپ چاہئے یا پٹرول بم؟

سوات میں انتخابی جلسے سے خطاب کرتے ہوئے مریم نواز نے کہا کہنواز شریف کی سیاست مٹانے کی کچھ لوگوں نے بہت کوشش کی،کہا گیا کہ نواز شریف کی سیاست ختم ہوگئی ہے، نواز شریف کے سب مخالف تاریخ کے کوڑے دان میں پڑے ہیں،آپ تک پہنچنے میں نواز شریف کو آگ کے دریا سے گزرنا پڑا ہے،نواز شریف آپ کا دکھ درد دیکھ کر اپنا غم بھول جاتے ہیں۔

مریم نواز نے کہا کہ سوات والے اسلام سے محبت کرنے والے لوگ ہیں، نواز شریف کو نااہل اور جلاوطن کرنیوالے آج انہیں سرخرو دیکھ رہے ہیں، دوسروں کو چور کہنے والا آج سب سے بڑا چور ثابت ہوگیا، نواز شریف کی بیٹی ہوں کسی کی گرفتاری یا آزمائش پر خوشی نہیں مناتی،مجھے بھی اڈیالہ جیل کی بجائے سہالہ ریسٹ ہاؤس منتقل ہونے کی آفر تھی، میں نے کہا کہ اڈیالہ جیل میں عام قیدیوں کی طرح رہوں گی۔