ملک بھر میں گھریلو صارفین کے لیے بجلی مہنگی کردی گئی، فی یونٹ قیمت میں 7.12 روپے اضافہ

ملک بھر میں بجلی مہنگی کردی گئی،گھریلو صارفین کیلئے بجلی کے بنیادی ٹیرف میں 7.12روپے تک اضافے کا نوٹیفکیشن جاری کردیا گیا۔
پاور ڈویژن نےبجلی کے بنیادی ٹیرف میں اضافے کا نوٹیفکیشن جاری کیا، نوٹیفکیشن کے مطابق ماہانہ 200 یونٹ تک والے گھریلو صارفین 3 ماہ کیلئے اضافے سے مستثنیٰ قرار دیے گئے ہیں۔
دیگر گھریلو صارفین کیلئے بجلی کا بنیادی ٹیرف فی یونٹ 7.12 روپے تک بڑھادیا گیا،گھریلوصارفین کیلئے بجلی کا فی یونٹ بنیادی ٹیرف 48 روپے 84 پیسے تک پہنچ گیا،ماہانہ 201 سے 300 یونٹ تک کا ٹیرف 7.12 روپے اضافے سے 34.26 روپے ہوگیا۔

ماہانہ 301 سے 400 یونٹ کا ٹیرف 7.02 روپے اضافے سے39.15 روپے ہوگیا،ماہانہ 401 سے 500 یونٹ کا ٹیرف 6.12 روپے اضافے سے 41.36 روپے ہوگیا،ماہانہ 501 سے 800 یونٹ کا ٹیرف 6.12 روپے اضافےسے 42.48 روپے ہوگیا۔
ماہانہ 601 سے 700 یونٹ کا ٹیرف 6.12روپے اضافےسے43.92روپے ہوگیا،ماہانہ 700 یونٹ سے زائد کا ٹریف 6.12 روپےاضافےسے 48.84 روپے ہوگیا،ٹیکسوں کو ملا کر سلیب کے حساب سے فی یونٹ ٹیرف کی قیمت مزیدبڑھ جائےگی۔

ماہانہ 50 یونٹ تک لائف لائن صارفین کیلئے فی یونٹ 3.95 روپے برقرار رہے گا،ماہانہ 51 سے 100 یونٹ تک لائف لائن صارفین کیلئے فی یونٹ 7.74 روپے برقرار رہے گا۔