گلگت ایئرپورٹ پر ہنگامی صورت حال سے نمٹنے کی مشق

گلگت ایئرپورٹ پر فل اسکیل ہنگامی مشق کا انعقادکیا۔ فرضی مشق کا آغاز کنٹرول ٹاور کی فائر اسٹیشن کو رن وے پر جہاز میں آگ کی ہنگامی اطلاع سے ہوا۔

ترجمان سی اے اے کے مطابق فل اسکیل ہنگامی مشق میں تمام اسٹیک ہولڈرز بشمول سی اے اے، اے ایس ایف، پی آئی اے نے مشق میں بھرپور شرکت کی،ریڈ کریسنٹ، ریسکیو 1122، سٹی فائر بریج، لوکل پولیس اور ‘کی پوائنٹ پولیس’ بھی شریک ہوئی۔

فرضی مشق کا آغاز ٹاور کی فائر اسٹیشن کو رن وے پر جہاز میں آگ کی ہنگامی اطلاع سے ہوا،سی اے اے کے فائر ٹینڈرز اور میڈیکل ایمبولینس نے بروقت جائے حادثہ پر پہنچ کر آگ پر قابو پایا اور زخمیوں کو بچایا۔

اے ایس ایف نے ایئر سائیڈ کے علاقے کو جبکہ پولیس نے حفاظتی باڑ کو باہر سے گھیرے میں لیا،جلد ہی ائرپورٹ کے باہر سے ریڈ کریسنٹ ریسکیو ایمبولینسز اور سٹی فائر سروسز کی ٹیمیں بھی جائے وقوعہ پہنچیں۔

سی اے اے، پی ائی اے اور ریڈ کریسنٹ نے کونکورس ہال میں پبلک انفارمیشن کاؤنٹر قائم کیا،تمام سٹیک ہولڈرز کی ‘کرائسز اینڈ ایمرجینسی رسپونس پلان’ یعنی (سی ای آر پی) کے مطابق اپنا کردار ادا کیا۔

ائیرپورٹ مینیجر کے مطابق یہ مشقیں ہمیں کسی بھی ناگہانی صورتحال سے نمٹنے کے لئے تیار رکھتی ہیں،مشق کے اختتام پر ائرپورٹ مینیجر نے مشق میں فعال شرکت پر تمام اسٹیک ہولڈرز اور رضاکاروں کا شکریہ ادا کیا۔