ایف بی آر نے کراچی اور حیدرآباد میں اربوں روپے کے ٹیکس فراڈ کرنے والا نیٹ ورک پکڑ لیا، مقدمات درج

ایف بی ار نے حیدرآباد اور کراچی میں اربوں روپے کے ٹیکس فراڈ کرنے والا نیٹ ورک پکڑ لیا،رحمان انٹرپرائزز کے خلاف 10 ارب روپے کے ٹیکس فراڈ کا مقدمہ درج کرادیا۔ایف بی آر کے مطابق زیڈ اے امپکس کے خلاف 11.692 ارب روپے ٹیکس فراڈ کے مقدمات درج کرا دیئے گئے۔

تحقیقات کے دوران جعلی یونٹس، کمپنیاں قائم کرنے اور جعلی انوائسز جاری کرنے میں منظم گروہوں کے ملوث ہونے کا انکشاف ہو ا ہے۔

ایف بی آر کے مطابق فنانشل مانیٹرنگ یونٹ کی طرف سے بھی تحقیقاتی رپورٹس میں دھوکہ دہی پر مبنی سرگرمیوں کی توثیق ہوئی،ایف بی آر اور اس کی فیلڈ فارمیشنز ٹیکس سے متعلقہ دھوکہ دہی کرنے والوں کے خلاف قانونی کاروائی کرنے کے لئے پر عزم ہیں۔

ایف بی آر کا کہنا ہے کہ جعل سازوں کے احتساب سے اربوں روپے کے محصولات کی حفاظت یقینی بنائی جا سکے گی۔ایف بی آر کاروبار میں منصفانہ اور مساویانہ ماحول کو فروغ دینے کے لئے پر عزم ہے۔