وفاقی وزیر داخلہ نے لاہور میں پاسپورٹ آفس گارڈن ٹاؤن کے ڈائریکٹر اور اسسٹنٹ ڈائریکٹر کو معطل کردیا

وزیرداخلہ محسن نقوی نے لاہورپاسپورٹ آفس گارڈن ٹاون کا دورہ کیا۔محسن نقوی  پاسپورٹ آفس کے حالات دیکھ کر برہم   ہوگئے ۔وزیرداخلہ نے ڈائریکٹر و اسسٹنٹ  ڈائریکٹر کوتبدیل کرکے محکمانہ  کارروائی کا حکم دیدیا۔

وزیرداخلہ محسن نقوی نے پاسپورٹ آفس میں  شہریوں  سے ملاقات کرکے مسائل دریافت کئے، شہریوں نےوزیرداخلہ کو  ایجنٹ مافیا کو رقم دینے کے ثبوت دکھائے۔

شہریوں نے کہا کہ پاسپورٹ آفس کی دیواریں بھی پیسے مانگتی ہیں،پاسپورٹ آفس کا گیٹ کراس کرنے پر بھی ”ٹیکس” ہے،پیسے دیں تو پاسپورٹ کو پہیے لگ جاتے ہیں۔

شہریوں نے شکایت کی کہ گارڈ سے لیکر ہر کوئی پیسے مانگتا ہے،بزرگ شہریوں نےبھی  شکایات کے انبار لگا دئیے۔

محسن نقوی کی شہریوں کو تسلی دی کہ آپ  کے لئے آیا ہوں، شکایات کا ازالہ کروں گا،عملے کی ملی بھگت کے بغیر پیسے لینے کا سوال ہی پیدا نہیں ہوتا۔