صنم جاوید کو مقدمہ سے ڈسچارج کئے جانے کے خلاف ایف آئی اے نے اپیل دائر کردی

ڈیوٹی جج کی جانب سے صنم جاوید کو ایف آئی اے مقدمہ سے ڈسچارج کرنے کے فیصلے کے خلاف ایف آئی اے نے اپیل دائر کردی، ایف آئی اے پراسیکیوٹر نے موقف میں کہا کہ ڈیوٹی مجسٹریٹ کے پاس اختیار ہی نہیں ہے کہ وہ مقدمے سے ڈسچارج کردیں،اسلام آباد ہائیکورٹ میں اس کیس کا کوئی بھی ریکارڈ پیش نہیں کیا گیا،عدالت نے 23 جولائی کے لیے فریقین کو نوٹس جاری کر دیے۔

ڈسٹرکٹ ایڈیشنل اینڈ سیشن جج افضل مجوکا نے اپیل پر سماعت کی،ایف آئی اے پراسیکیوٹر شیخ عامر عدالت کے روبرو پیش ہوئے۔

ایف آئی اے پراسیکیوٹر نے کہا کہ ڈیوٹی مجسٹریٹ کے پاس اختیار ہی نہیں ہے کہ وہ مقدمے سے ڈسچارج کردیں،اسلام آباد ہائیکورٹ میں اس کیس کا کوئی بھی ریکارڈ پیش نہیں کیا گیا۔

ایف آئی اے پراسیکیوٹر نے کہا کہ اسلام آباد ہائیکورٹ میں بلوچستان اور پولیس مقدمات کے حوالے سے ریکارڈ طلب کیا گیا تھا،ایف آئی اے کا کوئی ریکارڈ اسلام آباد ہائیکورٹ میں طلب نہیں کیا گیا تھا اور نہ ہی ہمارا کوئی نمائندہ ہائیکورٹ پیش ہوا تھا۔

عدالت نے 23 جولائی کے لیے فریقین کو نوٹس جاری کرتے ہوئے کیس کی سماعت ملتوی کردی۔