آرٹ
ہیوسٹن میں پہلی عالمی اردو کانفرنس، اردو میڈیم کو گالی سمجھنے والے اب زمین پر بیٹھ کر غزل سنتے ہیں، احمد شاہ
![](https://urduchronicle.com/wp-content/uploads/2023/07/urdu-conference-huston-1.jpg)
آرٹس کونسل آف پاکستان کراچی اور انٹرنیشنل آرٹ سوسائٹی (امریکا) کے تعاون سے امریکا کے شہر ہیوسٹن میں پہلی عالمی اردو کانفرنس کا انعقاد کیاگیا جس میں آرٹس کونسل آف پاکستان کراچی کے صدر محمد احمد شاہ نے مہمان خصوصی کی حیثیت سے خطاب کیا۔
احمد شاہ نے خطاب کرتے ہوئے کہا کہ 16 سال قبل جب عالمی اردو کانفرنس کا سلسلہ شروع کیا تو اس وقت اردو میڈیم کو سوسائٹی میں گالی سے قریب تر سمجھا جاتا تھا۔ آج انگلش میڈیم والے زمین پر بیٹھ کر غزل سنتے ہیں ڈانس اور ڈرامہ دیکھتے ہیں۔ آرٹس کونسل آف پاکستان میں اب اتنی صلاحیت ہے کہ بین الاقوامی کلچرل کانفرنس کی میزبانی کرے۔
احمد شاہ نے کہا کہ آرٹس کونسل کے کاموں کی شہرت آج ملکی سرحدوں کو عبور کر کے امریکا تک پہنچ چکی۔ پاکستانی شہری دنیا کے کسی بھی ملک میں رہتے ہوں انہیں اپنی زبان و ادب اور اپنی تہذیب سے رشتہ بحال رکھنا چاہیے یہی ان کی پہچان ہے۔ انہوں نے کہا کہ یہ قابل تعریف بات ہے کہ دو ڈھائی عشروں سے جو لوگ امریکا، کینیڈا اور دیگر ممالک میں آباد ہیں ابھی تک اپنی زبان اور ادب سے وابستہ ہیں اور آج ہیوسٹن میں منعقد عالمی اردو کانفرنس اس کا ثبوت ہے۔
احمد شاہ نے کہا کہ 16 سال پہلے جب ہم نے اس کانفرنس کو شروع کیا تھا تو کچھ لوگوں کا خیال تھا کہ یہ چند سال سے زیادہ نہیں چلی گی اور اس دوران کراچی کے حالات ایسے بھی ہوئے کہ دہشت گردی کے باعث کانفرنس کا انعقاد مشکل ہو گیا۔ آرٹس کونسل میں کانفرنس منعقد ہو رہی تھی اور باہر لاشیں گر رہی تھیں۔ اس وقت ہم نے عزم کیا کہ دہشت گردی کا مقابلہ شاعری، مکالمہ اور ادب و فن کے ساتھ کریں گے، وقت نے ثابت کیا کہ ہمارے اوزار بندوق سے زیادہ طاقتور تھے اور ہم نے زبان و ادب سے دہشت گردی کو شکست دی۔
احمد شاہ نے کہا کہ آج عالمی اردو کانفرنس ایک بڑا برانڈ بن چکی جو نہ صرف برصغیر بلکہ اس کا حلقہ احباب یورپ اور امریکا تک پھیل چکا ہے۔ انہوں نے عالمی برادری کو مخاطب کرتے ہوئے کہاکہ پاکستان ایک روشن خیال جمہوریت پسند ملک ہے جہاں تحمل، برداشت، مکالمہ، آرٹ، موسیقی، ادب اور فن کو اہمیت دی جاتی ہے۔ پاکستانی قوم میں یہ صلاحیت موجود ہے کہ وہ دنیا کے جمہوری اور روشن خیال معاشرے کے ساتھ باہمی اعتماد کے رشتوں کو وسعت دے سکے۔
انہوں نے کہا کہ پاکستان کے پاس ثقافت اور ورثے کی انمول دولت ہے، ہم کلچرل معاشروں کے ساتھ اشتراک عمل کے خواہش مند ہیں، آرٹس کونسل آف پاکستان عالمی کلچرل کانفرنس کا ممبر ہے اور عالمی کلچرل کانفرنس منعقد کرنے پر کام ہو رہا ہے۔ انہوں نے بیرون ملک پاکستانیوں سے کہا کہ وطن،اپنی زبان اور اپنی تہذیب و ثقافت کو یاد رکھنے سے آپ کی اور آپ کے خاندان کی اہمیت میں اضافہ ہو گا کیوں کہ اہمیت اسی کی ہوتی ہے جس کی پہچان ہو۔
عالمی اردو کانفرنس میں احمد فراز کی غزلیں، تھیٹر پلے، کلاسیکل ڈانس اورعالمی مشاعرہ سامعین کی توجہ کا مرکز بنا رہا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی