ایک سال میں آٹا 100 فیصد،چاول 77 فیصد، چینی کی قیمت میں 66 فیصد اضافہ، ادارہ شماریات کی رپورٹ

 ملک میں سالانہ بنیاد پر ہفتہ وار مہنگائی میں 29.16 فیصد کا اضافہ ریکارڈ کیا گیا ہے جس کی وجہ ایک سال میں آٹے، چاول، چینی، آلو، چائے، ٹماٹر اور ڈبل روٹی کی قیمت میں ہونے والا بڑا اضافہ ہے۔

ادارہ شماریات نے آج  جمعہ کے روز ہفتہ وار مہنگائی کے اعداد و شمار جاری کئے جن کے مطابق ہفتہ وار مہنگائی میں ہونے والا اضافہ اشیائے خوردونوش کی قیمتوں میں گزشتہ سال اسی ہفتے کے مقابلے میں ہوا۔

ادارہ شماریات کے مطابق موجودہ ہفتے میں تاہم جولائی کے مہینے کے گزشتہ ہفتے کے مقابلے میں 0.7 کی کمی ریکارڈ کی گئی۔

اعداد و شمار کے مطابق ایک سال کے دوران آٹے کی قیمت میں 126 فیصد، چائے کی قیمت میں تقریباً سو فیصد، چاول میں 77 فیصد، چینی کی قیمت میں 66 فیصد، آلو کی قیمت میں 60 فیصد، ٹماٹر کی قیمت میں 57 فیصد اور ڈبل روٹی کی قیمت میں 47 فیصد کا اضافہ ہوا۔

گزشتہ ہفتے کے مقابلے میں اس ہفتے پیاز کی قیمت میں دس فیصد، مرغی کی قیمت میں ساڑھے آٹھ فیصد کی کمی ہوئی۔