نگران سیٹ اپ کی تشکیل، انتخابی حکمت عملی کی تیاری، زرداری اسلام آباد میں اہم ملاقاتیں کریں گے

پیپلز پارٹی کے رہنما، سابق صدر مملکت آصف علی زرداری نے لاہور کے بعد اسلام آباد میں ڈیرے ڈال لیے، نگران سیٹ اپ کی تشکیل سمیت اہم امور پر ملاقاتیں اور مشاورت کریں گے۔

سابق صدر آصف زرداری نے لاہور میں دو دن قیام کے بعد اسلام آباد کا رخ کر لیا ہے، جہاں وہ اہم سیاسی ملاقاتیں کریں گے، ان ملاقاتوں میں نگران سیٹ اپ کی تشکیل کے معاملات زیر غور آئیں گے۔

آصف  زرداری حکومتی اتحادیوں سمیت پارٹی رہنماؤں سے ملاقاتیں کریں گے، آصف زرداری پارٹی رہنماؤں کو انتخابی مہم کے حوالے سے اہم ٹاسک دیں گے۔

اسپیکر  راجہ پرویز اشرف، نیئر بخاری، شیری رحمان اور دیگر آصف زرداری  سے ملاقات کریں گے، آصف  زرداری راجہ پرویز اشرف سے پنجاب میں انتخابات کے حوالے سے مشاورت کریں گے اور راجہ پرویز اشرف کو پنجاب میں انتخابات کیلئے اہم ٹاسک سونپیں گے۔

آصف  زرداری  پیپلزپارٹی رہنماؤں سے انتخابی مہم سے متعلق مشاورت کے ساتھ حکمت عملی تیار کریں گے۔