9 مئی سے 9 جون تک حج پروازیں، عازمین حج کے لیے سمارٹ فون لازمی

حج پروازیں 9 مئی سے 9 جون چلائی جائیں گی، ترجمان وزارت مذہبی امور کے مطابق تمام عازمینِ حج کیلئے سمارٹ فون لے جانا لازم ہوگا۔

ترجمان وزارت مذہبی امورکی طرف سے جاری بیان میں کہا گیا ہے کہ عازمین سفرِ حج  کے دوران مفید موبائل ایپس کا استعمال کر سکیں گے۔

عازمینِ حج کی تربیت کا دوسرا مرحلہ 15 اپریل سے شروع ہو گا ،نئے اقدامات اور  مناسک حج سے متعلق 122 مقامات پر  40 حج ٹرینرز تربیت فراہم کریں گے۔

عازمینِ حج کی لازمی ویکسین کا عمل حج پروازوں سے دس دن قبل شروع کیا جائے گا،تمام عازمینِ حج  کو سوٹ کیس ہیڈ کیری بیگ فراہم کیا جائے گا۔

جوتوں کیلئے تھیلا ، احرام بیلٹ اور خواتین کے لئے سبز رنگ کے پاکستانی پرچم والے سکارف مہیا کیے جائیں گے۔