کراچی ایئرپورٹ سے جدہ جانے والے مسافر کے سامان سے ہیروئن برآمد

ائیرپورٹ سیکیورٹی فورس کی کراچی ائیرپورٹ پرکارروائی،ایک کلو901کلوگرام ہیروئن بیرون ملک اسمگل کرنے کی کوشش ناکام بنادی۔

ترجمان اے ایس ایف کے مطابق ائیرپورٹ سکیورٹی فورس کی جانب کراچی ائیرپورٹ کارروائی عمل میں لائی گئی،جس کے دوران اے ایس ایف کے عملے نے جدہ جانے والے مسافر سے   1.901 کلو گرام ہیروئن  برآمد کرلی۔

مسافر ابرار راہول نے مذکورہ ہیروئن اپنے بیگ کے اندر صابن کی ٹکیوں میں نہایت مہارت سے چھپا رکھی تھی،تاہم تلاشی کے دوران اے ایس ایف کے عملے نے منشیات کی موجودگی کا پتہ لگا لیا اور منشیات برآمد کرکے اسمگلنگ کی کوششں ناکام بنا دی۔

ملزم کو ابتدائی تفتیش کے بعد برآمد شدہ منشیات سمیت مزید قانونی  کارروائی کے لئے اے این ایف حکام کے حوالے کر دیا گیا۔