پاک بحریہ کے افسروں، سیلرز کے لیے اعزازات، 4 افسروں کو ستارہ امتیاز ملٹری سے نوازا گیا

پاک بحریہ کے آفیسرز، سی پی اوز/سیلرز اور سویلینز کو عسکری ایوارڈز تفویض کرنے کی تقریب کا انعقاد کیا گیا۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے،تقریب میں 4 افسران کو ستارہ امتیاز (ملٹری)، 3 افسران کو تمغہ امتیاز (ملٹری) اور ایک آفیسر کو تمغہ بسالت سے نوازا گیا،41 چیف پیٹی آفیسرز اور سیلرز کو تمغہ خدمت (ملٹری) کلاس II, l اور III تفویض کیے گئے،29 آفیسرز، چیف پیٹی آفیسرز/سیلرز اور سویلینز کو چیف آف دی نیول اسٹاف کی جانب سے ستاٸشی خطوط سے بھی نوازا گیا،تقریب میں پاک بحریہ کے حاضر سروس اور ریٹائرڈ افسران کی بڑی تعداد نے شرکت کی۔