قوم پی ٹی آئی کی کتنی غلطیوں کو بھگتے گی، یہ لوگ ملک کے دشمن ہیں، احسن اقبال

وفاقی وزیر منصوبہ بندی احسن اقبال نے کہا ہے کہ پی ٹی آئی کی کتنی غلطیوں کا قوم کو خمیازہ بھگتنا پڑے گا،یہ لوگ پاکستان کے دوست نہیں، دشمن ہیں۔

نارووال میں میڈیا سے گفتگو کرتے ہوئے احسن اقبال نے کہا کہ ہمارے شہدا پاکستان کے ہیرو ہیں، پہلے بھی ہم نے دہشت گردی کو شکست دی اب بھی دیں گے،کچھ عناصر ملک سے باہر بیٹھ کر پاکستان کی خود مختاری کیخلاف کھیل رہے ہیں۔

احسن اقبال نے کہا کہ ایک سیاسی جماعت پاکستان کیخلاف سازش کررہی ہے،بیرونی فنڈنگ سے چلنے والی اس جماعت کا چہرہ بے نقاب ہوچکا ہے،9 مئی کو ایک جماعت کا اصل چہرہ قوم کے سامنے آگیا تھا،پی ٹی آئی حکومت نے آئی ایم ایف سے سخت شرائط پر معاہدہ کیا جس سے مہنگائی بڑھی،یہ لوگ پاکستان کے دوست نہیں دشمن نہیں،پی ٹی آئی والے امریکی سینیٹرز کے پاؤں پکڑ رہے ہیں۔

وفاقی وزیراحسن اقبال نے کہا کہ ایک جماعت پاکستان کو بیرون ملک رسوا کرنے کی کوشش کررہی ہے،یہ سیاسی جماعت بیرون ملک پاکستان کیخلاف مذمو م سازشوں میں ملوث ہے،پی ٹی آئی ملک دشمنی کی تمام حدیں پارکرچکی ہے،پی ٹی آئی کی کتنی غلطیوں کا خمیازہ قوم کو بھگتنا پڑےگا،قوم پاکستان کی سلامتی سے کھیلنے والوں کومعاف نہیں کرے گی،پی ٹی آئی نے اپنےدور میں ملکی تاریخ کا 80 فیصد قرض لیا۔