10 ماہ جیل میں رہی، اور کتنا ظلم کریں گے، عالیہ حمزہ، سینیٹ میں حکومت کی اینٹ سے اینٹ بجادوں گی، صنم جاوید

پی ٹی آئی رہنما عالیہ حمزہ نے کہا ہے کہ میری سیاست سین سے نہیں عین سے شروع ہو تی ہے۔۔10ماہ سے جیل میں بند ہی ہوں  اور کتنا ظلم کریں گے عہدے معنی نہیں رکھتے۔

لاہور انسدادِ دہشت گردی عدالت کے پیشی کے موقع پر میڈیا سےغیر رسمی گفتگو میں عالیہ حمزہ نے کہا کہ میں سینیٹ  کے لیے امید وار نہیں ہوں، میں نے کاغذات جمع نہیں کرائے ہمارا مینڈیٹ چوری کیا گیاہے، ہے ہم نے عوام کی خدمت جس کا بدلہ ووٹ سے عوام نے دیا۔ یہ حکومت زیادہ دیر چلنے والی نہیں ہے، چند ماہ کی مہمان  ہے،عوام کی خاطر آج جیل میں ہیں۔

انسدادِ دہشت گردی عدالت میں سوشل ایکٹیوسٹ صنم جاوید نے میڈیا سے گفتگو میں کہا کہ پارٹی نے میرا نام سینٹ کے لیے دیا مجھے بڑی خوشی ہوئی ہے،میں سینٹ جا کر ایسی تقریر کروں گی ان کی اینٹ سے اینٹ بجا دوں گی،عام انتخابات میں میرے کاغذات نامزدگی پر اعتراض لگانے گئے، مجھے اجازت نہیں دی، مجھے سپریم کورٹ سے الیکشن لرنے کی اجازت ملی مگر الیکش نہ لڑ سکی،اب پارٹی کی طرف سے میرا سینٹ کے لیے نام دیا گیا ہے۔