چیمپیئنز ٹرافی انتظامات کے جائزہ کے لیے آئی سی سی وفد کا کراچی سٹیڈیم کا دورہ

چیمپیئنز ٹرافی انتظامات کا جائزہ لینے کے لیے آئی سی سی کے وفد نے نیشنل بینک اسٹیڈیم کراچی کا دورہ کیا،آئی سی سی وفد نے نیشنل اسٹیڈیم کے مختلف حصوں کا جائزہ لیا۔پی  سی بی حکام نے آئی سی سی وفد کو انتظامات کے حوالے سے بریفنگ دی۔

چیمپیئنز ٹرافی آئندہ برس پاکستان میں شیڈول ہے،آئی سی سی ایونٹ آپریشنز کی سینئر مینجر سارہ ایڈگر، مینجر عون زیدی آئی سی سی وفد میں شامل تھے۔آئی سی سی ہیڈ آف ایونٹس کرس ٹیٹلے راولپنڈی میں ٹیم کو جوائن کریں گے۔

آئی سی سی وفد کراچی کے بعد لاہور اور پنڈی اسٹیڈیم کا بھی دورہ کرے گا،ڈایٸریکٹر انٹرنیشنل عثمان واہلہ وفد کے ہمراہ موجود تھے۔

اسٹیڈیم آمد پر پی سی بی کے عملے نے وفد کا استقبال کیا ، وفد نے چیر میں باکس، کھلاڑیوں کے ڈریسنگ رومز اور تماشائیوں کے انکلوژرز کا بھی وزٹ کیا۔