خواتین کو تعلیم سے روکنے پر عالمی عدالت انصاف افغان طالبان کے خلاف مقدمہ چلائے، گورڈن براؤن

برطانیہ کے سابق وزیراعظم گورڈن براؤن نے کہا ہے کہ افغانستان میں خواتین اور لڑکیوں کے ساتھ طالبان کا سلوک “انسانیت کے خلاف جرم” ہے۔

سابق وزیر اعظم بین الاقوامی فوجداری عدالت (آئی سی سی) سے مطالبہ کر رہے ہیں کہ وہ انسانی حقوق کی “شیطانی” خلاف ورزی کے ذمہ داروں کے خلاف مقدمہ چلائے۔

طالبان حکومت نے 2021 میں دوبارہ اقتدار میں آنے کے بعد سے خواتین اور لڑکیوں کی آزادیوں پر سخت پابندیاں عائد کر رکھی ہیں۔

انہوں نے کہا کہ یہ خواتین اور لڑکیوں کے ساتھ منظم وحشیانہ سلوک ہے۔

بی بی سی ریڈیو 4 ٹوڈے کے نک رابنسن سے بات کرتے ہوئے گورڈن براؤن، جو اب اقوام متحدہ کے خصوصی ایلچی برائے عالمی تعلیم ہیں، نے کہا کہ خواتین کو تعلیم سے خارج کر دیا گیا ہے، ملازمت سے خارج کر دیا گیا ہے، عوامی مقامات پر جانے سے خارج کر دیا گیا ہے۔ یہ تمام پابندیاں امتیازی سلوک کی ایک شکل ہیں۔ یہ شاید آج دنیا بھر میں انسانی حقوق کی سب سے گھناؤنی، سب سے زیادہ شیطانی، سب سے زیادہ وسیع خلاف ورزی ہے

انہوں نے کہا کہ کچھ لوگوں نے اس نظام کو “جنسی رنگ و نسل” کے طور پر بیان کیا اور اسے انسانیت کے خلاف جرم سمجھا جانا چاہیے۔ بین الاقوامی فوجداری عدالت، جو انسانیت کے خلاف جرائم سے نمٹنے کی ذمہ داری رکھتی ہے، ذمہ داروں کی تفتیش اور ان کے خلاف قانونی کارروائی کرے۔

سابق لیبر وزیر اعظم، جنہوں نے 2007 سے 2010 تک برطانیہ کی قیادت کی، تجویز پیش کی کہ ممکنہ قانونی چارہ جوئی کا دباؤ طالبان کو دوبارہ غور کرنے پر مجبور کر سکتا ہے، اور کہا کہ “حکومت پر بہت کم بین الاقوامی دباؤ” سے وہ حیران ہیں۔

مسٹر براؤن نے طالبان قیادت اور مسلم اکثریتی ممالک کے رہنماؤں اور علما کے خلاف برطانیہ کی پابندیوں کا بھی مطالبہ کیا تاکہ انہیں یہ باور کرانے میں مدد ملے کہ “اسلام ایک ایسا مذہب ہے جو خواتین اور لڑکیوں کی قدر کرتا ہے”۔