بلاول بھٹو کا وارث ہے تو پی ڈی ایم بنا کر ضیا کے وارثوں سے الحاق کیوں کیا؟ شاہ محمود قریشی

پی ٹی آئی رہنما شاہ محمود قریشی کا کہنا ہے کہ بلاول سے پوچھنا چاہتا ہوں کہ آپ کو آج نواز شریف کی انتقامی سیاست نظر آئی ہے، شاہ محمود قریشی کا مزید کہنا تھا کہ جاوید ہاشمی کا شکریہ ادا کرنا چاہتا ہوں، جاوید ہاشمی نے حق اور سچ کا جھنڈا بلند کیا ہے،

اڈیالہ جیل میں میڈیا سے گفتگو کرتے ہوئے شاہ محمود قریشی نے کہا کہ  بلاول کہتا ہے کہ ہم بھٹو کے وارث ہیں تو انہوں نے پی ڈی ایم بنا کر ضیاء کے وارثوں کیساتھ الحاق کیوں کیا؟ ملتان میں جہانگیر ترین ن لیگ کی مدد مانگ رہا ہے، لودھراں میں ن لیگ کی مخالفت کررہا ہے۔

سابق وزیر خارجہ نے کہا کہ آئی پی پی نے 51 سیٹوں پر کاغذات نامزدگی جمع کرائے، 7 پر ایڈجسٹمنٹ کی، باقی فارغ کر دیں۔
سائفر کیس پر بات کرتے ہوئے شاہ محمود قریشی نے کہا کہ سائفر صرف اور صرف سیکرٹری خارجہ کے دیکھنے کے لیے تھا،سائفر آنے کے بعد عمران خان نے کہا جتنے بھی پارلیمنٹری لیڈرز ہیں سب کو بریف کیا جائے،سیکرٹری خارجہ نے تمام پارلیمنٹری لیڈرز کو سائفر پر بریفنگ بھی دی۔

شاہ محمود قریشی نے کہا کہ جاوید ہاشمی کا مسلم لیگ کے پلیٹ فارم سے عمران خان کے حق میں بیان بہت بڑی بات ہے انہوں نے یہ بھی کہا کہ وہ عمران خان کی رہائی کیلئے مسلم لیگ کے پلیٹ فارم سے مہم کی قیادت کریں گے ان کے شکر گزار ہیں۔