تازہ ترین
آئی ایم ایف نے صوبوں کے ترقیاتی منصوبوں کی تفصیل مانگ لی، ارکان پارلیمنٹ کی صوابدیدی سکیمیں بند
آئی ایم ایف نے ملک کےنئے سالانہ ترقیاتی منصوبوں کی تفصیلات مانگ لیں، پنجاب اور سندھ نےترقیاتی منصوبےحکومت کے ساتھ شئیر کردیے۔ ذرائع کا کہنا ہے کہ کے پی، بلوچستان، آزاد کشمیر اور گلگت بلتستان اپنے ترقیاتی پلانزشئیر کرنے سے گریزاں ہیں۔وفاقی حکومت نے آئندہ مالی سال کیلئے اراکین پارلیمنٹ کی صوابدیدی سکیمیں مکمل طور پر بند کردیں۔
ذرائع کا کہنا ہے کہ آئی ایم ایف نے صوبوں بشمول ازاد کشمیر و جی بی کے نئے سالانہ ترقیاتی منصوبوں کی تفصیلات مانگی ہیں، آئی ایم ایف نے کہا ہے کہ صوبائی حکومتیں ترقیاتی فنڈز کی سیکٹر وائز تقسیم کی تفصیلات پلاننگ کمیشن کو دیں۔
ذرائع کا کہنا ہے کہ کے پی، بلوچستان، ازاد کشمیر اور گلگت بلتستان اپنے ترقیاتی پلانزشئیر کرنے سے گریزاں ہیں،پنجاب اور سندھ نے ائندہ مالی سال کے ترقیاتی حکمت عملی وفاقی حکومت سے شئیر کردیں۔
ذرائع کے مطابق پنجاب حکومت ترقیاتی پلان سات فیصد اضافے سے سات سو ارب روپے رکھنے کی خواہاں ہے،مقامی ذرائع سے پانچ سو ستتر ارب، بیرونی ذرائع سے ایک سو تئیس ارب روپے ملنے کا تخمینہ ہے۔
ذرائع نے بتایا کہ سندھ کا ترقیاتی پلان بتیس فیصد اضافے سے سات سو چونسٹھ ارب روپے رکھے جانے کا تخمینہ ہے، مقامی ذرائع سے چارسوتیس ارب، غیرملکی ذرائع سے تین سو چونتیس ارب روپے ملنے کا تخمینہ ہے۔
ذرائع کے مطابق وفاقی حکومت پہلے ہی آئی ایم ایف کی تجویز پرترقیاتی پروگرام کو ترتیب دے رہی ہے،وفاقی حکومت نے صوبائی نوعیت کے منصوبوں کے فنڈز میں کمی آئی ایم ایف کی ہدایت پر کردی۔
ذرائع نے بتایا کہ وفاقی حکومت نے ائندہ مالی سال کیلئے اراکین پارلیمنٹ کی صوابدیدی سکیمیں مکمل طور پر بند کردی ہیں۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی