عمران خان اور فواد چوہدری پر توہین الیکشن کمیشن کیس میں فرد جرم عائد

فواد چوہدری اور بانی چیئرمین پی ٹی آئی عمران خان کے خلاف توہین الیکشن کمیشن کیس میں فرد جرم عائد کردی گئی ہے۔

فواد چوہدری اور عمران خان کے خلاف توہین الیکشن کمیشن کیس کی سماعت اڈیالہ جیل میں ہوئی۔

واضح رہے کہ وزارتِ داخلہ نے عمران خان کو الیکشن کمیشن میں پیش کرنے سے معذرت کی تھی اور وزارت قانون سے رائے لے کر اڈیالہ جیل میں عمران خان اور فواد چوہدری کے ٹرائل کی درخواست کی تھی۔

6 دسمبر 2023 کو عمران خان اور وزیر فواد چوہدری کے خلاف الیکشن کمیشن نے اڈیالہ جیل میں مذکورہ کیس کی سماعت کا فیصلہ کیا تھا۔

جس کے بعد الیکشن کمیشن کی چار رکنی ٹیم نثار درانی کی سربراہی میں اڈیالہ جیل پہنچی۔ کمیشن کے ممبران میں شاہ محمود جتوئی، بابر حسین بھروانہ اور جسٹس ریٹائرڈ اکرام اللہ شامل تھے۔

الیکش کمیشن نے سابق چیئرمین پی ٹی آئی اور فواد چوہدری پر فرد جرم عائد کردی اور کیس کی مزید سماعت 16جنوری تک ملتوی کردی۔