عمران خان نے آفیشل سیکرٹ ترمیمی ایکٹ اور آرمی ترمیمی ایکٹ چیلنج کر دئیے

چیئرمین تحریک انصاف عمران خان نے آفیشل سیکرٹ ایکٹ اور آرمی ترمیمی قانون کیخلاف سپریم کورٹ سے رجوع کرلیا۔

عمران خان نے سپریم کورٹ میں آئینی درخواست دائر کی ہے، درخواست میں صدر مملکت، سیکرٹری قومی اسمبلی، وزارت قانون اور وزارت داخلہ فریق بنایا گیا ہے۔

درخواست میں  استدعا کی گئی کہ آفیشل سیکرٹ ایکٹ اور آرمی ترمیمی قانون کو کالعدم قراردیا جائے۔۔ آئینی درخواست کے فیصلہ تک دونوں قوانین کو معطل کیا جائے۔

درخواست میں کہا گیا ہے کہ آرمی ترمیمی ایکٹ اور آفیشل سیکرٹ ایکٹ پر صدر مملکت نے دستخط نہیں کئے، آرمی ترمیمی ایکٹ اور آفیشل سیکرٹ ایکٹ آرٹیکل 10اے، آرٹیکل 8 اور آرٹیکل 19 کے منافی ہیں۔