عمران خان نے آفیشل سیکرٹ عدالت کے جج کی تعیناتی کے خلاف انٹراکورٹ اپیل دائر کردی

چئیرمین پی ٹی آئی کی جیل ٹرائل اور آفیشل سیکرٹ ایکٹ عدالت کے جج تعیناتی کے خلاف انٹرا کورٹ اپیل پر چئیرمین پی ٹی آئی نے مقدمہ میں اضافی دستاویزات جمع کرانے کے لیے متفرق درخواست دائر کر دی۔

اسلام آباد ہائی کورٹ میں چیئرمین پی ٹی آئی کی جیل ٹرائل اور آفیشل سیکرٹ ایکٹ عدالت کے جج کی تعیناتی کے خلاف انٹراکورٹ اپیل پر چیئرمین پی ٹی آئی نے مقدمہ میں اضافی دستاویزات جمع کرانے کے لئے متفرق درخواست دائر کی ہے۔

درخواست میں موقف اپنایا گیا کہ سنگل بنچ نے 12 ستمبر کو عدالت اٹک جیل منتقل کرنے کے خلاف درخواست پر فیصلہ محفوظ کیا،سنگل بنچ نے چیئرمین پی ٹی آئی کی درخواست پر 16 اکتوبر کو فیصلہ سنایا،

اِسی دوران  وزارتِ قانون نے جیل سماعت کے ہی دو مزید نوٹیفکیشنز جاری کر دیے،وزارت قانون کے دونوں نوٹیفکیشنز کو عدالتی ریکارڈ پر لانا چاہتے ہیں۔

درخواست میں استدعا کی گئی کہ وزارت قانون کے دونوں نوٹیفکیشن عدالتی ریکارڈ پر لانے کی اجازت دی جائے۔